ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 470 ਕ੍ਰਿਸਨ ਬਾਚ ਨ੍ਰਿਪ ਸੋ ॥ क्रिसन बाच न्रिप सो ॥ ਸਵੈਯਾ ॥ सवैया ॥ ਛਤ੍ਰੀ ਕਹਾਵਤ ਆਪਨ ਕੋ; ਭਜਿ ਹੋ ਤਬ ਹੀ, ਜਬ ਜੁਧ ਮਚੈਹੋਂ ॥ छत्री कहावत आपन को; भजि हो तब ही, जब जुध मचैहों ॥ ਧੀਰ ਤਬੈ ਲਖਿ ਹੋ ਤੁਮ ਕੋ; ਜਬ ਭੀਰ ਪਰੈ ਇਕ ਤੀਰ ਚਲੈਹੋਂ ॥ धीर तबै लखि हो तुम को; जब भीर परै इक तीर चलैहों ॥ ਮੂਰਛ ਹ੍ਵੈ ਅਬ ਹੀ ਛਿਤ ਮੈ; ਗਿਰਹੋਂ, ਨਹਿ ਸ੍ਯੰਦਨ ਮੈ ਠਹਰੈਹੋਂ ॥ मूरछ ह्वै अब ही छित मै; गिरहों, नहि स्यंदन मै ठहरैहों ॥ ਏਕਹ ਬਾਨ ਲਗੇ ਹਮਰੋ; ਨਭ ਮੰਡਲ ਪੈ ਅਬ ਹੀ ਉਡ ਜੈਹੋਂ ॥੧੮੨੯॥ एकह बान लगे हमरो; नभ मंडल पै अब ही उड जैहों ॥१८२९॥ ਇਉ ਜਬ ਬੈਨ ਕਹੇ ਬ੍ਰਿਜਭੂਖਨ; ਤਉ ਮਨ ਮੈ ਨ੍ਰਿਪ ਕੋਪ ਬਢਾਯੋ ॥ इउ जब बैन कहे ब्रिजभूखन; तउ मन मै न्रिप कोप बढायो ॥ ਸਾਰਥੀ ਆਪਨ ਕੋ ਕਹਿ ਕੈ; ਰਥ ਤਉ ਜਦੁਰਾਇ ਕੀ ਓਰ ਧਵਾਯੋ ॥ सारथी आपन को कहि कै; रथ तउ जदुराइ की ओर धवायो ॥ ਚਾਂਪ ਚਢਾਇ, ਮਹਾ ਰਿਸ ਖਾਇ ਕੈ; ਲੋਹਤਿ ਬਾਨ ਸੁ ਖੈਚ ਚਲਾਯੋ ॥ चांप चढाइ, महा रिस खाइ कै; लोहति बान सु खैच चलायो ॥ ਸ੍ਰੀ ਗਰੁੜਾਸਨਿ ਜਾਨ ਕੈ ਸ੍ਯਾਮ; ਮਨੋ ਦੁਰਬੇ ਕਹੁ ਤਛਕ ਧਾਯੋ ॥੧੮੩੦॥ स्री गरुड़ासनि जान कै स्याम; मनो दुरबे कहु तछक धायो ॥१८३०॥ ਆਵਤ ਤਾ ਸਰ ਕੋ ਲਖਿ ਕੈ; ਬ੍ਰਿਜ ਨਾਇਕ ਆਪਨੇ ਸਸਤ੍ਰ ਸੰਭਾਰੇ ॥ आवत ता सर को लखि कै; ब्रिज नाइक आपने ससत्र स्मभारे ॥ ਕਾਨ ਪ੍ਰਮਾਨ ਲਉ ਖੈਚ ਕਮਾਨ; ਚਲਾਇ ਦਏ ਜਿਨ ਕੇ ਪਰ ਕਾਰੇ ॥ कान प्रमान लउ खैच कमान; चलाइ दए जिन के पर कारे ॥ ਭੂਪ ਸੰਭਾਰ ਕੈ ਢਾਲ ਲਈ; ਤਿਹ ਮਧ ਲਗੇ ਨਹਿ ਜਾਤ ਨਿਕਾਰੇ ॥ भूप स्मभार कै ढाल लई; तिह मध लगे नहि जात निकारे ॥ ਮਾਨਹੁ ਸੂਰਜ ਕੇ ਗ੍ਰਸਬੇ ਕਹੁ; ਰਾਹੁ ਕੇ ਬਾਹਨ ਪੰਖ ਪਸਾਰੇ ॥੧੮੩੧॥ मानहु सूरज के ग्रसबे कहु; राहु के बाहन पंख पसारे ॥१८३१॥ ਭੂਪਤਿ ਪਾਨਿ ਕਮਾਨ ਲਈ; ਬ੍ਰਿਜ ਨਾਇਕ ਕਉ ਲਖਿ ਬਾਨ ਚਲਾਏ ॥ भूपति पानि कमान लई; ब्रिज नाइक कउ लखि बान चलाए ॥ ਇਉ ਛੁਟਕੇ ਕਰ ਕੇ ਬਰ ਤੇ; ਉਪਮਾ ਤਿਹ ਕੀ ਕਬਿ ਸ੍ਯਾਮ ਸੁਨਾਏ ॥ इउ छुटके कर के बर ते; उपमा तिह की कबि स्याम सुनाए ॥ ਮੇਘ ਕੀ ਬੂੰਦਨ ਜਿਉ ਬਰਖੇ ਸਰ; ਸ੍ਰੀ ਬਿਜ ਨਾਥ ਕੇ ਊਪਰਿ ਆਏ ॥ मेघ की बूंदन जिउ बरखे सर; स्री बिज नाथ के ऊपरि आए ॥ ਮਾਨਹੁ ਸੂਰ ਨਹੀ ਸਰ ਸੋ; ਤਿਹ ਭੱਛਨ ਕੋ ਸਲਭਾ ਮਿਲਿ ਧਾਏ ॥੧੮੩੨॥ मानहु सूर नही सर सो; तिह भच्छन को सलभा मिलि धाए ॥१८३२॥ ਜੋ ਸਰ ਭੂਪ ਚਲਾਵਤ ਹੈ; ਤਿਨ ਕੋ ਬ੍ਰਿਜਨਾਇਕ ਕਾਟਿ ਉਤਾਰੇ ॥ जो सर भूप चलावत है; तिन को ब्रिजनाइक काटि उतारे ॥ ਫੋਕਨ ਤੇ ਫਲ ਤੇ ਮਧਿ ਤੇ; ਪਲ ਮੈ ਕਰਿ ਖੰਡਨ ਖੰਡ ਕੈ ਡਾਰੇ ॥ फोकन ते फल ते मधि ते; पल मै करि खंडन खंड कै डारे ॥ ਐਸੀਯ ਭਾਂਤਿ ਪਰੇ ਛਿਤ ਮੈ; ਮਨੋ ਬੀਜ ਕੋ ਈਖ ਕਿਸਾਨ ਨਿਕਾਰੇ ॥ ऐसीय भांति परे छित मै; मनो बीज को ईख किसान निकारे ॥ ਸ੍ਯਾਮ ਕੇ ਬਾਨ ਸਿਚਾਨ ਸਮਾਨ; ਮਨੋ ਅਰਿ ਬਾਨ ਬਿਹੰਗ ਸੰਘਾਰੇ ॥੧੮੩੩॥ स्याम के बान सिचान समान; मनो अरि बान बिहंग संघारे ॥१८३३॥ ਦੋਹਰਾ ॥ दोहरा ॥ ਏਕ ਓਰ ਸ੍ਰੀ ਹਰਿ ਲਰੇ; ਜਰਾਸੰਧਿ ਕੇ ਸੰਗਿ ॥ एक ओर स्री हरि लरे; जरासंधि के संगि ॥ ਦੁਤੀ ਓਰਿ ਬਲਿ ਹਲ ਗਹੇ; ਹਨੀ ਸੈਨ ਚਤੁਰੰਗ ॥੧੮੩੪॥ दुती ओरि बलि हल गहे; हनी सैन चतुरंग ॥१८३४॥ ਸਵੈਯਾ ॥ सवैया ॥ ਬਲਿ ਪਾਨਿ ਲਏ ਸੁ ਕ੍ਰਿਪਾਨ ਸੰਘਾਰਤ; ਬਾਜ ਕਰੀ ਰਥ ਪੈਦਲ ਆਯੋ ॥ बलि पानि लए सु क्रिपान संघारत; बाज करी रथ पैदल आयो ॥ ਮਾਰਿ ਹਰਉਲ ਭਜਾਇ ਦਏ; ਨ੍ਰਿਪ ਗੋਲ ਕੇ ਮਧਿ ਪਰਿਯੋ ਤਬ ਧਾਯੋ ॥ मारि हरउल भजाइ दए; न्रिप गोल के मधि परियो तब धायो ॥ ਏਕ ਕੀਏ ਸੁ ਰਥੀ ਬਿਰਥੀ; ਅਰਿ ਏਕਨ ਕੋ ਬਹੁ ਘਾਇਨ ਘਾਯੋ ॥ एक कीए सु रथी बिरथी; अरि एकन को बहु घाइन घायो ॥ ਸ੍ਯਾਮ ਭਨੈ ਸਬ ਸੂਰਨ ਕੋ; ਇਹ ਭਾਂਤਿ ਹਲੀ ਪੁਰੁਖਤ ਦਿਖਾਯੋ ॥੧੮੩੫॥ स्याम भनै सब सूरन को; इह भांति हली पुरुखत दिखायो ॥१८३५॥ ਕ੍ਰੋਧ ਭਰਿਯੋ ਰਨ ਮੈ ਅਤਿ ਕ੍ਰੂਰ ਸੁ; ਪਾਨ ਕੇ ਬੀਚ ਕ੍ਰਿਪਾਨ ਲੀਏ ॥ क्रोध भरियो रन मै अति क्रूर सु; पान के बीच क्रिपान लीए ॥ ਅਭਿਮਾਨ ਸੋ ਡੋਲਤ ਹੈ ਰਨ ਭੀਤਰ; ਆਨ ਕੋ ਆਨਤ ਹੈ ਨ ਹੀਏ ॥ अभिमान सो डोलत है रन भीतर; आन को आनत है न हीए ॥ ਅਤਿ ਹੀ ਰਸ ਰੁਦ੍ਰ ਕੇ ਬੀਚ ਛਕਿਓ; ਕਬਿ ਸ੍ਯਾਮ ਕਹੈ ਮਦ ਪਾਨਿ ਪੀਏ ॥ अति ही रस रुद्र के बीच छकिओ; कबि स्याम कहै मद पानि पीए ॥ ਬਲਭਦ੍ਰ ਸੰਘਾਰਤ ਸਤ੍ਰ ਫਿਰੈ; ਜਮ ਕੋ ਸੁ ਭਯਾਨਕ ਰੂਪ ਕੀਏ ॥੧੮੩੬॥ बलभद्र संघारत सत्र फिरै; जम को सु भयानक रूप कीए ॥१८३६॥ |
|
|
|
|
Dasam Granth |