ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 467 ਜਬੈ ਸ੍ਯਾਮ ਬਲਿ ਰਾਮ ਸੰਗ੍ਰਾਮ ਮ੍ਯਾਨੇ; ਲੀਯੋ ਪਾਨਿ ਸੰਭਾਰ ਕੈ ਚਕ੍ਰ ਭਾਰੀ ॥ जबै स्याम बलि राम संग्राम म्याने; लीयो पानि स्मभार कै चक्र भारी ॥ ਕੇਊ ਬਾਨ ਕਮਾਨ ਕੋ ਤਾਨ ਧਾਏ; ਕੇਊ ਢਾਲ ਤ੍ਰਿਸੂਲ ਮੁਗਦ੍ਰ ਕਟਾਰੀ ॥ केऊ बान कमान को तान धाए; केऊ ढाल त्रिसूल मुगद्र कटारी ॥ ਜਰਾਸੰਧਿ ਕੀ ਫਉਜ ਮੈ ਚਾਲ ਪਾਰੀ; ਬਲੀ ਦਉਰ ਕੈ ਠਉਰਿ ਸੈਨਾ ਸੰਘਾਰੀ ॥ जरासंधि की फउज मै चाल पारी; बली दउर कै ठउरि सैना संघारी ॥ ਦੁਹੂੰ ਓਰ ਤੇ ਸਾਰ ਪੈ ਸਾਰ ਬਾਜਿਯੋ; ਛੁਟੀ ਮੈਨ ਕੇ ਸਤ੍ਰੁ ਕੀ ਨੈਨ ਤਾਰੀ ॥੧੮੦੭॥ दुहूं ओर ते सार पै सार बाजियो; छुटी मैन के सत्रु की नैन तारी ॥१८०७॥ ਮਚੀ ਮਾਰਿ ਘਮਕਾਰਿ ਤਲਵਾਰਿ ਬਰਛੀ; ਗਦਾ ਛੁਰੀ ਜਮਧਰਨ ਅਰਿ ਦਲ ਸੰਘਾਰੇ ॥ मची मारि घमकारि तलवारि बरछी; गदा छुरी जमधरन अरि दल संघारे ॥ ਬਢੀ ਸ੍ਰਉਨ ਸਲਤਾ, ਬਹੇ ਜਾਤ ਗਜ ਬਾਜ ਰਥ; ਮੁੰਡ ਕਰਿ ਸੁੰਡ, ਭਟ ਤੁੰਡ ਨਿਆਰੇ ॥ बढी स्रउन सलता, बहे जात गज बाज रथ; मुंड करि सुंड, भट तुंड निआरे ॥ ਤ੍ਰਸੇ ਭੂਤ ਬੈਤਾਲ ਭੈਰਵਿ ਭਗੀ ਜੁਗਨੀ; ਪੈਰ ਖਪਰਿ ਉਲਟਿ ਉਰਿ ਸੁ ਧਾਰੇ ॥ त्रसे भूत बैताल भैरवि भगी जुगनी; पैर खपरि उलटि उरि सु धारे ॥ ਭਨੈ ਰਾਮ ਸੰਗ੍ਰਾਮ ਅਤਿ ਤੁਮਲ ਦਾਰੁਨ ਭਯੋ; ਮੋਨ ਤਜਿ ਸਿਵ, ਬ੍ਰਹਮ ਜੀਅ ਡਰਾਰੇ ॥੧੮੦੮॥ भनै राम संग्राम अति तुमल दारुन भयो; मोन तजि सिव, ब्रहम जीअ डरारे ॥१८०८॥ ਸਵੈਯਾ ॥ सवैया ॥ ਜਬ ਸਾਮ ਸੁ ਪਉਰਖ ਏਤੋ ਕੀਯੋ; ਅਰਿ ਸੈਨਹੁ ਤੇ ਭਟ ਏਕ ਪੁਕਾਰਿਯੋ ॥ जब साम सु पउरख एतो कीयो; अरि सैनहु ते भट एक पुकारियो ॥ ਕਾਨ੍ਹ ਬਡੋ ਬਲਵੰਡ ਪ੍ਰਚੰਡ; ਘਮੰਡ ਕੀਯੋ ਅਤਿ, ਨੈਕੁ ਨ ਹਾਰਿਯੋ ॥ कान्ह बडो बलवंड प्रचंड; घमंड कीयो अति, नैकु न हारियो ॥ ਤਾ ਤੇ ਅਬੈ ਭਜੀਐ, ਤਜੀਐ ਰਨ; ਯਾ ਤੇ ਨ ਕੋਊ ਬਚਿਯੋ ਬਿਨੁ ਮਾਰਿਯੋ ॥ ता ते अबै भजीऐ, तजीऐ रन; या ते न कोऊ बचियो बिनु मारियो ॥ ਬਾਲਕ ਜਾਨ ਕੈ ਭੂਲਹੁ ਰੇ ! ਜਿਨਿ ਕੇਸ ਤੇ ਗਹਿ ਕੰਸ ਪਛਾਰਿਯੋ ॥੧੮੦੯॥ बालक जान कै भूलहु रे ! जिनि केस ते गहि कंस पछारियो ॥१८०९॥ ਐਸੋ ਉਚਾਰ ਸਬੈ ਸੁਨਿ ਕੈ; ਚਿਤ ਮੈ ਅਤਿ ਸੰਕਤਿ ਮਾਨ ਭਏ ਹੈ ॥ ऐसो उचार सबै सुनि कै; चित मै अति संकति मान भए है ॥ ਕਾਇਰ ਭਾਜਨ ਕੋ ਮਨ ਕੀਨੋ ਹੈ; ਸੂਰਨ ਕੇ ਮਨ ਕੋਪਿ ਤਏ ਹੈ ॥ काइर भाजन को मन कीनो है; सूरन के मन कोपि तए है ॥ ਬਾਨ ਕਮਾਨ ਕ੍ਰਿਪਾਨਨ ਲੈ ਕਰਿ; ਮਾਨ ਭਰੇ ਭਟ ਆਇ ਖਏ ਹੈ ॥ बान कमान क्रिपानन लै करि; मान भरे भट आइ खए है ॥ ਸ੍ਯਾਮ ਲਯੋ ਅਸਿ ਪਾਨਿ ਸੰਭਾਰ; ਹਕਾਰ ਬਿਦਾਰ ਸੰਘਾਰਿ ਦਏ ਹੈ ॥੧੮੧੦॥ स्याम लयो असि पानि स्मभार; हकार बिदार संघारि दए है ॥१८१०॥ ਏਕ ਭਜੇ ਲਖਿ ਭੀਰ ਪਰੀ; ਜਦੁਬੀਰ ਕਹੀ ਬਲਿਬੀਰ ਸੰਭਾਰੋ ॥ एक भजे लखि भीर परी; जदुबीर कही बलिबीर स्मभारो ॥ ਸਸਤ੍ਰ ਜਿਤੇ ਤੁਮਰੇ ਪਹਿ ਹੈ; ਜੁ ਅਰੇ ਅਰਿ ਤਾਹਿ ਹਕਾਰਿ ਸੰਘਾਰੋ ॥ ससत्र जिते तुमरे पहि है; जु अरे अरि ताहि हकारि संघारो ॥ ਧਾਇ ਨਿਸੰਕ ਪਰੋ ਤਿਹ ਊਪਰਿ; ਸੰਕ ਕਛੂ ਚਿਤ ਮੈ ਨ ਬਿਚਾਰੋ ॥ धाइ निसंक परो तिह ऊपरि; संक कछू चित मै न बिचारो ॥ ਭਾਜਤ ਜਾਤ ਜਿਤੇ ਰਿਪੁ ਹੈ; ਤਿਹ ਪਾਸਿ ਕੇ ਸੰਗ ਗ੍ਰਸੋ, ਜਿਨਿ ਮਾਰੋ ॥੧੮੧੧॥ भाजत जात जिते रिपु है; तिह पासि के संग ग्रसो, जिनि मारो ॥१८११॥ ਸ੍ਰੀ ਬ੍ਰਿਜਰਾਜ ਕੇ ਆਨਨ ਤੇ; ਮੁਸਲੀਧਰ ਬੈਨ ਇਹੈ ਸੁਨਿ ਪਾਏ ॥ स्री ब्रिजराज के आनन ते; मुसलीधर बैन इहै सुनि पाए ॥ ਮੂਸਲ ਅਉ ਹਲ ਪਾਨਿ ਲਯੋ; ਬਲਿ ਪਾਸਿ ਸੁਧਾਰ ਕੈ ਪਾਛੇ ਹੀ ਧਾਏ ॥ मूसल अउ हल पानि लयो; बलि पासि सुधार कै पाछे ही धाए ॥ ਭਾਜਤ ਸਤ੍ਰਨ ਕੋ ਮਿਲ ਕੈ; ਗਰਿ ਡਾਰਿ ਦਈ ਰਿਪੁ ਹਾਥ ਬੰਧਾਏ ॥ भाजत सत्रन को मिल कै; गरि डारि दई रिपु हाथ बंधाए ॥ ਏਕ ਲਰੇ ਰਨ ਮਾਝ ਮਰੇ; ਇਕ ਜੀਵਤ ਜੇਲਿ ਕੈ ਬੰਧ ਪਠਾਏ ॥੧੮੧੨॥ एक लरे रन माझ मरे; इक जीवत जेलि कै बंध पठाए ॥१८१२॥ ਸ੍ਰੀ ਜਦੁਬੀਰ ਕੇ ਬੀਰ ਤਬੈ; ਅਰਿ ਸੈਨ ਕੇ ਪਾਛੇ ਪਰੇ ਅਸਿ ਧਾਰੇ ॥ स्री जदुबीर के बीर तबै; अरि सैन के पाछे परे असि धारे ॥ ਆਇ ਖਏ, ਸੋਊ ਮਾਰਿ ਲਏ; ਤੇਊ ਜਾਨਿ ਦਏ, ਜਿਨਿ ਇਉ ਕਹਿਯੋ ਹਾਰੇ ॥ आइ खए, सोऊ मारि लए; तेऊ जानि दए, जिनि इउ कहियो हारे ॥ ਜੋ ਨ ਟਰੇ ਕਬਹੂੰ ਰਨ ਤੇ; ਅਰਿ ਤੇ ਬਲਿਦੇਵ ਕੇ ਬਿਕ੍ਰਮ ਟਾਰੇ ॥ जो न टरे कबहूं रन ते; अरि ते बलिदेव के बिक्रम टारे ॥ ਭਾਜਿ ਗਏ ਬਿਸੰਭਾਰ ਭਏ; ਗਿਰ ਗੇ ਕਰ ਤੇ ਕਰਵਾਰਿ ਕਟਾਰੇ ॥੧੮੧੩॥ भाजि गए बिस्मभार भए; गिर गे कर ते करवारि कटारे ॥१८१३॥ |
|
|
|
|
Dasam Granth |