ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 460 ਕਾਨ੍ਹ ਤੇ ਨ ਡਰੇ ਅਰਿ, ਅਰਰਾਇ ਪਰੇ ਸਬ; ਕਹੈ ਕਬਿ ਸ੍ਯਾਮ, ਲਰਬੇ ਕਉ ਉਮਗਤਿ ਹੈ ॥ कान्ह ते न डरे अरि, अरराइ परे सब; कहै कबि स्याम, लरबे कउ उमगति है ॥ ਰਨ ਮੈ ਅਡੋਲ, ਸ੍ਵਾਮ ਕਾਰ ਜੀ ਅਮੋਲ; ਬੀਰ ਗੋਲ ਤੇ ਨਿਕਸ ਲਰੈ ਕੋਪ ਮੈ ਪਗਤ ਹੈ ॥ रन मै अडोल, स्वाम कार जी अमोल; बीर गोल ते निकस लरै कोप मै पगत है ॥ ਡੋਲਤ ਹੈ ਆਸ ਪਾਸ, ਜੀਤਬੇ ਕੀ ਕਰੈ ਆਸ; ਤ੍ਰਾਸ ਮਨਿ ਨੈਕੁ ਨਹੀ, ਨ੍ਰਿਪ ਕੇ ਭਗਤ ਹੈ ॥ डोलत है आस पास, जीतबे की करै आस; त्रास मनि नैकु नही, न्रिप के भगत है ॥ ਕੰਚਨ ਅਚਲ ਜਿਉ ਅਟਲ ਰਹਿਓ ਜਦੁਬੀਰ; ਤੀਰ ਤੀਰ ਸੂਰਮਾ, ਨਛਤ੍ਰ ਸੇ ਡਿਗਤ ਹੈ ॥੧੭੫੨॥ कंचन अचल जिउ अटल रहिओ जदुबीर; तीर तीर सूरमा, नछत्र से डिगत है ॥१७५२॥ ਸਵੈਯਾ ॥ सवैया ॥ ਇਹ ਭਾਂਤਿ ਇਤੈ ਜਦੁਬੀਰ ਘਿਰਿਓ; ਉਤ ਕੋਪ ਹਲਾਯੁਧ ਬੀਰ ਸੰਘਾਰੇ ॥ इह भांति इतै जदुबीर घिरिओ; उत कोप हलायुध बीर संघारे ॥ ਬਾਨ ਕਮਾਨ ਕ੍ਰਿਪਾਨਨ ਪਾਨਿ; ਧਰੇ, ਬਿਨੁ ਪ੍ਰਾਨ ਪਰੇ ਛਿਤਿ ਮਾਰੇ ॥ बान कमान क्रिपानन पानि; धरे, बिनु प्रान परे छिति मारे ॥ ਟੂਕ ਅਨੇਕ ਕੀਏ ਹਲਿ ਸੋ ਬਲਿ; ਕਾਤੁਰ ਦੇਖਿ ਭਜੇ ਬਿਸੰਭਾਰੇ ॥ टूक अनेक कीए हलि सो बलि; कातुर देखि भजे बिस्मभारे ॥ ਜੀਤਤ ਭਯੋ ਮੁਸਲੀ ਰਨ ਮੈ; ਅਰਿ ਭਾਜਿ ਚਲੇ ਤਬ ਭੂਪ ਨਿਹਾਰੇ ॥੧੭੫੩॥ जीतत भयो मुसली रन मै; अरि भाजि चले तब भूप निहारे ॥१७५३॥ ਚਕ੍ਰਤ ਹੁਇ ਚਿਤ ਬੀਚ ਚਮੂ ਪਤਿ; ਆਪੁਨੀ ਸੈਨ ਕਉ ਬੈਨ ਸੁਨਾਯੋ ॥ चक्रत हुइ चित बीच चमू पति; आपुनी सैन कउ बैन सुनायो ॥ ਭਾਜਤ ਜਾਤ ਕਹਾ ਰਨ ਤੇ? ਭਟ ! ਜੁਧੁ ਨਿਦਾਨ ਸਮੋ ਅਬ ਆਯੋ ॥ भाजत जात कहा रन ते? भट ! जुधु निदान समो अब आयो ॥ ਇਉ ਲਲਕਾਰ ਕਹਿਓ ਦਲ ਕੋ; ਤਬ ਸ੍ਰਉਨਨ ਮੈ ਸਬਹੂੰ ਸੁਨਿ ਪਾਯੋ ॥ इउ ललकार कहिओ दल को; तब स्रउनन मै सबहूं सुनि पायो ॥ ਸਸਤ੍ਰ ਸੰਭਾਰਿ ਫਿਰੇ ਤਬ ਹੀ; ਅਤਿ ਕੋਪ ਭਰੇ ਹਠਿ ਜੁਧੁ ਮਚਾਯੋ ॥੧੭੫੪॥ ससत्र स्मभारि फिरे तब ही; अति कोप भरे हठि जुधु मचायो ॥१७५४॥ ਬੀਰ ਬਡੇ ਰਨਧੀਰ ਸੋਊ; ਜਬ ਆਵਤ ਸ੍ਰੀ ਜਦੁਬੀਰ ਨਿਹਾਰੇ ॥ बीर बडे रनधीर सोऊ; जब आवत स्री जदुबीर निहारे ॥ ਸ੍ਯਾਮ ਭਨੈ ਕਰਿ ਕੋਪ ਤਿਹੀ ਛਿਨ; ਸਾਮੁਹੇ ਹੋਇ ਹਰਿ ਸਸਤ੍ਰ ਪ੍ਰਹਾਰੇ ॥ स्याम भनै करि कोप तिही छिन; सामुहे होइ हरि ससत्र प्रहारे ॥ ਏਕਨ ਕੇ ਕਰ ਕਾਟਿ ਦਏ; ਇਕ ਮੁੰਡ ਬਿਨਾ ਕਰਿ ਭੂ ਪਰਿ ਡਾਰੇ ॥ एकन के कर काटि दए; इक मुंड बिना करि भू परि डारे ॥ ਜੀਤ ਕੀ ਆਸ ਤਜੀ ਅਰਿ ਏਕ; ਨਿਹਾਰ ਕੈ, ਡਾਰਿ ਹਥਿਯਾਰ ਪਧਾਰੇ ॥੧੭੫੫॥ जीत की आस तजी अरि एक; निहार कै, डारि हथियार पधारे ॥१७५५॥ ਦੋਹਰਾ ॥ दोहरा ॥ ਜਬ ਹੀ ਅਤਿ ਦਲ ਭਜਿ ਗਯੋ; ਤਬ ਨ੍ਰਿਪ ਕੀਓ ਉਪਾਇ ॥ जब ही अति दल भजि गयो; तब न्रिप कीओ उपाइ ॥ ਆਪਨ ਮੰਤ੍ਰੀ ਸੁਮਤਿ ਕਉ; ਲੀਨੋ ਨਿਕਟਿ ਬੁਲਾਇ ॥੧੭੫੬॥ आपन मंत्री सुमति कउ; लीनो निकटि बुलाइ ॥१७५६॥ ਦ੍ਵਾਦਸ ਛੂਹਨਿ ਸੈਨ ਅਬ; ਲੈ ਧਾਵਹੁ ਤੁਮ ਸੰਗ ॥ द्वादस छूहनि सैन अब; लै धावहु तुम संग ॥ ਸਸਤ੍ਰ ਅਸਤ੍ਰ ਭੂਪਤਿ ਦਯੋ; ਅਪੁਨੋ ਕਵਚ ਨਿਖੰਗ ॥੧੭੫੭॥ ससत्र असत्र भूपति दयो; अपुनो कवच निखंग ॥१७५७॥ ਸੁਮਤਿ ਚਲਤ ਰਨ ਇਉ ਕਹਿਯੋ; ਸੁਨੀਏ ਬਚਨ ਨ੍ਰਿਪਾਲ ! ॥ सुमति चलत रन इउ कहियो; सुनीए बचन न्रिपाल ! ॥ ਹਰਿ ਹਲਧਰ ਕੇਤਕ ਬਲੀ? ਕਰੋ ਕਾਲ ਕੋ ਕਾਲ ॥੧੭੫੮॥ हरि हलधर केतक बली? करो काल को काल ॥१७५८॥ ਚੌਪਈ ॥ चौपई ॥ ਇਉ ਕਹਿ ਜਰਾਸੰਧਿ ਸਿਉ ਮੰਤ੍ਰੀ ॥ इउ कहि जरासंधि सिउ मंत्री ॥ ਸੰਗ ਲੀਏ ਤਿਹ ਅਧਿਕ ਬਜੰਤ੍ਰੀ ॥ संग लीए तिह अधिक बजंत्री ॥ ਮਾਰੂ ਰਾਗ ਬਜਾਵਤ ਧਾਯੋ ॥ मारू राग बजावत धायो ॥ ਦ੍ਵਾਦਸ ਛੂਹਣਿ ਲੈ ਦਲੁ ਆਯੋ ॥੧੭੫੯॥ द्वादस छूहणि लै दलु आयो ॥१७५९॥ ਦੋਹਰਾ ॥ दोहरा ॥ ਸੰਕਰਖਣ ਹਰਿ ਸੋ ਕਹਿਯੋ; ਕਰੀਐ ਕਵਨ ਉਪਾਇ? ॥ संकरखण हरि सो कहियो; करीऐ कवन उपाइ? ॥ ਸੁਮਤਿ ਮੰਤ੍ਰਿ ਦਲ ਪ੍ਰਬਲ ਲੈ; ਰਨ ਮਧਿ ਪਹੁੰਚਿਯੋ ਆਇ ॥੧੭੬੦॥ सुमति मंत्रि दल प्रबल लै; रन मधि पहुंचियो आइ ॥१७६०॥ ਸੋਰਠਾ ॥ सोरठा ॥ ਤਬ ਬੋਲਿਓ ਜਦੁਬੀਰ; ਢੀਲ ਤਜੋ ਬਲਿ ! ਹਲਿ ਗਹੋ ॥ तब बोलिओ जदुबीर; ढील तजो बलि ! हलि गहो ॥ ਰਹੀਯੋ ਤੁਮ ਮਮ ਤੀਰ; ਆਗੈ ਪਾਛੈ ਜਾਹੁ ਜਿਨਿ ॥੧੭੬੧॥ रहीयो तुम मम तीर; आगै पाछै जाहु जिनि ॥१७६१॥ |
|
|
|
|
Dasam Granth |