ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 1356 ਚੌਪਈ ॥ चौपई ॥ ਚਿੰਜੀ ਸਹਰ ਬਸਤ ਹੈ ਜਹਾ ॥ चिंजी सहर बसत है जहा ॥ ਚਿੰਗਸ ਸੈਨ ਨਰਾਧਿਪ ਤਹਾ ॥ चिंगस सैन नराधिप तहा ॥ ਗੈਹਰ ਮਤੀ ਨਾਰਿ ਤਿਹ ਕਹਿਯਤ ॥ गैहर मती नारि तिह कहियत ॥ ਜਿਹ ਸਮ ਸੁਰ ਪੁਰ ਨਾਰਿ ਨ ਲਹਿਯਤ ॥੧॥ जिह सम सुर पुर नारि न लहियत ॥१॥ ਸਹਰ ਸੁਰੇਸ੍ਵਾਵਤੀ ਬਿਰਾਜੈ ॥ सहर सुरेस्वावती बिराजै ॥ ਜਾ ਕੌ ਨਿਰਖਿ ਇੰਦ੍ਰ ਪੁਰ ਲਾਜੈ ॥ जा कौ निरखि इंद्र पुर लाजै ॥ ਬਲਵੰਡ ਸਿੰਘ ਸਾਹ ਇਕ ਸੁਨਿਯਤ ॥ बलवंड सिंघ साह इक सुनियत ॥ ਜਿਹ ਸਮਾਨ ਜਗ ਔਰ ਨ ਗੁਨਿਯਤ ॥੨॥ जिह समान जग और न गुनियत ॥२॥ ਸਦਾ ਕੁਅਰਿ ਤਿਹ ਸੁਤਾ ਭਨਿਜੈ ॥ सदा कुअरि तिह सुता भनिजै ॥ ਚੰਦ੍ਰ ਸੂਰ ਲਖਿ ਜਾਹਿ ਅਰੁਝੈ ॥ चंद्र सूर लखि जाहि अरुझै ॥ ਅਪ੍ਰਮਾਨ ਦੁਤਿ ਜਾਤ ਨ ਕਹੀ ॥ अप्रमान दुति जात न कही ॥ ਜਾਨੁਕ ਫੂਲਿ ਚੰਬੇਲੀ ਰਹੀ ॥੩॥ जानुक फूलि च्मबेली रही ॥३॥ ਸਦਾ ਕੁਅਰਿ ਨਿਰਖਾ ਜਬ ਰਾਜਾ ॥ सदा कुअरि निरखा जब राजा ॥ ਤਬ ਹੀ ਸੀਲ ਤਵਨ ਕਾ ਭਾਜਾ ॥ तब ही सील तवन का भाजा ॥ ਸਖੀ ਏਕ ਨ੍ਰਿਪ ਤੀਰ ਪਠਾਈ ॥ सखी एक न्रिप तीर पठाई ॥ ਯੌ ਰਾਜਾ ਤਨ ਕਹੁ ਤੈ ਜਾਈ ॥੪॥ यौ राजा तन कहु तै जाई ॥४॥ ਮੈ ਤਵ ਰੂਪ ਨਿਰਖਿ ਉਰਝਾਨੀ ॥ मै तव रूप निरखि उरझानी ॥ ਮਦਨ ਤਾਪ ਤੇ ਭਈ ਦਿਵਾਨੀ ॥ मदन ताप ते भई दिवानी ॥ ਏਕ ਬਾਰ ਤੁਮ ਮੁਝੈ ਬੁਲਾਵੋ ॥ एक बार तुम मुझै बुलावो ॥ ਕਾਮ ਤਪਤ, ਕਰਿ ਕੇਲ ਮਿਟਾਵੋ ॥੫॥ काम तपत, करि केल मिटावो ॥५॥ ਜੌ ਆਪਨ ਗ੍ਰਿਹ, ਮੁਹਿ ਨ ਬੁਲਾਵਹੁ ॥ जौ आपन ग्रिह, मुहि न बुलावहु ॥ ਏਕ ਬਾਰ, ਮੋਰੇ ਗ੍ਰਿਹ ਆਵਹੁ ॥ एक बार, मोरे ग्रिह आवहु ॥ ਮੋ ਸੰਗ ਕਰਿਯੈ ਮੈਨ ਬਿਲਾਸਾ ॥ मो संग करियै मैन बिलासा ॥ ਹਮ ਕਹ, ਤੋਰਿ ਮਿਲਨ ਕੀ ਆਸਾ ॥੬॥ हम कह, तोरि मिलन की आसा ॥६॥ ਭੂਪ ਕੁਅਰਿ ਵਹੁ ਗ੍ਰਿਹ ਨ ਬੁਲਾਈ ॥ भूप कुअरि वहु ग्रिह न बुलाई ॥ ਆਪੁ ਜਾਇ ਤਿਹ ਸੇਜ ਸੁਹਾਈ ॥ आपु जाइ तिह सेज सुहाई ॥ ਦੀਪ ਦਾਨ ਤਰੁਨੀ ਤਿਨ ਕੀਨਾ ॥ दीप दान तरुनी तिन कीना ॥ ਅਰਘ ਧੂਪ ਰਾਜਾ ਕਹ ਦੀਨਾ ॥੭॥ अरघ धूप राजा कह दीना ॥७॥ ਸੁਭਰ ਸੇਜ ਊਪਰ ਬੈਠਾਯੋ ॥ सुभर सेज ऊपर बैठायो ॥ ਭਾਂਗ ਅਫੀਮ ਸਰਾਬ ਮੰਗਾਯੋ ॥ भांग अफीम सराब मंगायो ॥ ਪ੍ਰਥਮ ਕਹਾ ਨ੍ਰਿਪ ਸੌ, ਇਨ ਪੀਜੈ ॥ प्रथम कहा न्रिप सौ, इन पीजै ॥ ਬਹੁਰਿ ਮੁਝੈ ਮਦਨੰਕੁਸ ਦੀਜੈ ॥੮॥ बहुरि मुझै मदनंकुस दीजै ॥८॥ ਸੁਨਤ ਬਚਨ ਇਹ ਭੂਪ ਨ ਮਾਨਾ ॥ सुनत बचन इह भूप न माना ॥ ਜਮ ਕੇ ਡੰਡ ਤ੍ਰਾਸ ਤਰਸਾਨਾ ॥ जम के डंड त्रास तरसाना ॥ ਕਹਿਯੋ ਨ ਮੈ ਤੌਸੌ ਰਤਿ ਕਰਿਹੋ ॥ कहियो न मै तौसौ रति करिहो ॥ ਘੋਰ ਨਰਕ ਮੋ ਭੂਲਿ ਨ ਪਰਿਹੌ ॥੯॥ घोर नरक मो भूलि न परिहौ ॥९॥ ਤਿਮਿ ਤਿਮਿ ਤ੍ਰਿਯ ਅੰਚਰ ਗਰਿ ਡਾਰੈ ॥ तिमि तिमि त्रिय अंचर गरि डारै ॥ ਜੋਰਿ ਜੋਰਿ ਦ੍ਰਿਗ ਨ੍ਰਿਪਹਿ ਨਿਹਾਰੈ ॥ जोरि जोरि द्रिग न्रिपहि निहारै ॥ ਹਾਇ ਹਾਇ! ਮੁਹਿ ਭੂਪਤਿ! ਭਜਿਯੈ ॥ हाइ हाइ! मुहि भूपति! भजियै ॥ ਕਾਮ ਕ੍ਰਿਯਾ ਮੋਰੇ ਸੰਗ ਸਜਿਯੈ ॥੧੦॥ काम क्रिया मोरे संग सजियै ॥१०॥ ਨਹਿ ਨਹਿ ਪੁਨਿ ਜਿਮਿ ਜਿਮਿ ਨ੍ਰਿਪ ਕਰੈ ॥ नहि नहि पुनि जिमि जिमि न्रिप करै ॥ ਤਿਮਿ ਤਿਮਿ ਚਰਨ ਚੰਚਲਾ ਪਰੈ ॥ तिमि तिमि चरन चंचला परै ॥ ਹਹਾ! ਨ੍ਰਿਪਤਿ! ਮੁਹਿ ਕਰਹੁ ਬਿਲਾਸਾ ॥ हहा! न्रिपति! मुहि करहु बिलासा ॥ ਕਾਮ ਭੋਗ ਕੀ ਪੁਰਵਹੁ ਆਸਾ ॥੧੧॥ काम भोग की पुरवहु आसा ॥११॥ ਕਹਾ ਕਰੌ? ਕਹੁ ਕਹਾ ਪਧਾਰੌ? ॥ कहा करौ? कहु कहा पधारौ? ॥ ਆਪ ਮਰੌ? ਕੈ ਮੁਝੈ ਸੰਘਾਰੌ ॥ आप मरौ? कै मुझै संघारौ ॥ ਹਾਇ ਹਾਇ! ਮੁਹਿ ਭੋਗ ਨ ਕਰਈ ॥ हाइ हाइ! मुहि भोग न करई ॥ ਤਾ ਤੇ ਜੀਅ ਹਮਾਰਾ ਜਰਈ ॥੧੨॥ ता ते जीअ हमारा जरई ॥१२॥ |
|
|
|
|
Dasam Granth |