ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 474 ਬੀਰ ਸੰਘਾਰ ਕੈ ਸ੍ਰੀ ਜਦੁਬੀਰ ਕੇ; ਭੂਪ ਭਯੋ ਅਤਿ ਕੋਪਮਈ ਹੈ ॥ बीर संघार कै स्री जदुबीर के; भूप भयो अति कोपमई है ॥ ਜੁਧ ਬਿਖੈ ਮਨ ਦੇਤ ਭਯੋ; ਤਨ ਕੀ ਸਿਗਰੀ ਸੁਧਿ ਭੂਲਿ ਗਈ ਹੈ ॥ जुध बिखै मन देत भयो; तन की सिगरी सुधि भूलि गई है ॥ ਐਨ ਹੀ ਸੈਨ ਹਨੀ ਪ੍ਰਭ ਕੀ; ਸੁ ਪਰੀ ਛਿਤ ਮੈ ਬਿਨ ਪ੍ਰਾਨ ਭਈ ਹੈ ॥ ऐन ही सैन हनी प्रभ की; सु परी छित मै बिन प्रान भई है ॥ ਭੂਪਤਿ ਮਾਨਹੁ ਸੀਸਨ ਕੀ; ਸਭ ਸੂਰਨ ਹੂੰ ਕੀ ਜਗਾਤਿ ਲਈ ਹੈ ॥੧੮੬੧॥ भूपति मानहु सीसन की; सभ सूरन हूं की जगाति लई है ॥१८६१॥ ਛਾਡਿ ਦਏ ਜਿਤ ਸਾਚ ਕੈ ਮਾਨਹੁ; ਮਾਰਿ ਦਏ ਮਨ ਝੂਠ ਨ ਭਾਯੋ ॥ छाडि दए जित साच कै मानहु; मारि दए मन झूठ न भायो ॥ ਜੋ ਭਟ ਘਾਇਲ ਭੂਮਿ ਪਰੇ; ਮਨੋ ਦੋਸ ਕੀਯੋ ਕਛੁ ਦੰਡੁ ਦਿਵਾਯੋ ॥ जो भट घाइल भूमि परे; मनो दोस कीयो कछु दंडु दिवायो ॥ ਏਕ ਹਨੇ ਕਰ ਪਾਇਨ ਤੇ; ਜਿਨ ਜੈਸੋ ਕੀਯੋ, ਫਲ ਤੈਸੋ ਈ ਪਾਯੋ ॥ एक हने कर पाइन ते; जिन जैसो कीयो, फल तैसो ई पायो ॥ ਰਾਜ ਸਿੰਘਾਸਨ ਸ੍ਯੰਦਨ ਬੈਠ ਕੈ; ਸੂਰਨ ਕੇ ਨ੍ਰਿਪ ਨਿਆਉ ਚੁਕਾਯੋ ॥੧੮੬੨॥ राज सिंघासन स्यंदन बैठ कै; सूरन के न्रिप निआउ चुकायो ॥१८६२॥ ਜਬ ਭੂਪ ਇਤੋ ਰਨ ਪਾਵਤ ਭਯੋ; ਤਬ ਸ੍ਰੀ ਬ੍ਰਿਜ ਨਾਇਕ ਕੋਪ ਭਰਿਯੋ ॥ जब भूप इतो रन पावत भयो; तब स्री ब्रिज नाइक कोप भरियो ॥ ਨ੍ਰਿਪ ਸਾਮੁਹੇ ਜਾਇ ਕੇ ਜੂਝ ਮਚਾਤ; ਭਯੋ ਚਿਤ ਮੈ ਨ ਰਤੀ ਕੁ ਡਰਿਯੋ ॥ न्रिप सामुहे जाइ के जूझ मचात; भयो चित मै न रती कु डरियो ॥ ਬ੍ਰਿਜ ਨਾਇਕ ਸਾਇਕ ਏਕ ਹਨ੍ਯੋ; ਨ੍ਰਿਪ ਕੋ ਉਰਿ ਲਾਗ ਕੈ ਭੂਮਿ ਪਰਿਯੋ ॥ ब्रिज नाइक साइक एक हन्यो; न्रिप को उरि लाग कै भूमि परियो ॥ ਇਮ ਮੇਦ ਸੋ ਬਾਨ ਚਖਿਯੋ ਨ੍ਰਿਪ ਕੋ; ਮਨੋ ਪੰਨਗ ਦੂਧ ਕੋ ਪਾਨ ਕਰਿਯੋ ॥੧੮੬੩॥ इम मेद सो बान चखियो न्रिप को; मनो पंनग दूध को पान करियो ॥१८६३॥ ਸਹਿ ਕੈ ਸਰ ਸ੍ਰੀ ਹਰਿ ਕੋ ਉਰ ਮੈ; ਨ੍ਰਿਪ ਸ੍ਯਾਮ ਹੀ ਕਉ ਇਕ ਬਾਨ ਲਗਾਯੋ ॥ सहि कै सर स्री हरि को उर मै; न्रिप स्याम ही कउ इक बान लगायो ॥ ਸੂਤ ਕੇ ਏਕ ਲਗਾਵਤ ਭਯੋ ਸਰ; ਦਾਰੁਕ ਲਾਗਤ ਹੀ ਦੁਖੁ ਪਾਯੋ ॥ सूत के एक लगावत भयो सर; दारुक लागत ही दुखु पायो ॥ ਹੁਇ ਬਿਸੰਭਾਰ ਗਿਰਿਯੋ ਈ ਚਹੈ; ਤਿਹ ਕੋ ਰਥੁ ਆਸਨ ਨ ਠਹਰਾਯੋ ॥ हुइ बिस्मभार गिरियो ई चहै; तिह को रथु आसन न ठहरायो ॥ ਤਾਹੀ ਸਮੈ ਚਪਲੰਗ ਤੁਰੰਗਨਿ; ਆਪਨੀ ਚਾਲ ਕੋ ਰੂਪ ਦਿਖਾਯੋ ॥੧੮੬੪॥ ताही समै चपलंग तुरंगनि; आपनी चाल को रूप दिखायो ॥१८६४॥ ਦੋਹਰਾ ॥ दोहरा ॥ ਭੁਜਾ ਪਕਰ ਕੇ ਸਾਰਥੀ; ਰਥਿ ਤਬ ਡਾਰਿਯੋ ਧੀਰ ॥ भुजा पकर के सारथी; रथि तब डारियो धीर ॥ ਸ੍ਯੰਦਨ ਹਾਕਤ ਆਪੁ ਹੀ; ਚਲਿਯੋ ਲਰਤ ਬਲਬੀਰ ॥੧੮੬੫॥ स्यंदन हाकत आपु ही; चलियो लरत बलबीर ॥१८६५॥ ਸਵੈਯਾ ॥ सवैया ॥ ਸਾਰਥੀ ਸ੍ਯੰਦਨ ਪੈ ਨ ਲਖਿਯੋ; ਬਲਿਦੇਵ ਕਹਿਓ ਰਿਸਿ ਤਾਹਿ ਸੁਨੈ ਕੈ ॥ सारथी स्यंदन पै न लखियो; बलिदेव कहिओ रिसि ताहि सुनै कै ॥ ਜਿਉ ਦਲ ਤੋਰ ਜਿਤਿਯੋ ਸਬ ਹੀ; ਤੈਸੋ ਤੋ ਜਿਤ ਹੈ, ਜਸ ਡੰਕ ਬਜੈ ਕੈ ॥ जिउ दल तोर जितियो सब ही; तैसो तो जित है, जस डंक बजै कै ॥ ਮੂਢ ਭਿਰੇ ਪਤਿ ਚਉਦਹ ਲੋਕ ਕੇ; ਸੰਗ ਸੁ ਆਪ ਕਉ ਭੂਪ ਕਹੈ ਕੈ ॥ मूढ भिरे पति चउदह लोक के; संग सु आप कउ भूप कहै कै ॥ ਕੀਟ ਪਤੰਗ ਸੁ ਬਾਜਨ ਸੰਗਿ; ਉਡਿਯੋ ਕਛੁ ਚਾਹਤ ਪੰਖ ਲਗੈ ਕੈ ॥੧੮੬੬॥ कीट पतंग सु बाजन संगि; उडियो कछु चाहत पंख लगै कै ॥१८६६॥ ਛਾਡਤ ਹੈ ਅਜਹੁੰ ਤੁਹਿ ਕਉ; ਪਤਿ ਚਉਦਹ ਲੋਕਨ ਕੇ ਸੰਗ ਨ ਲਰੁ ॥ छाडत है अजहुं तुहि कउ; पति चउदह लोकन के संग न लरु ॥ ਗ੍ਯਾਨ ਕੀ ਬਾਤ ਧਰੋ ਮਨ ਮੈ; ਸੁ ਅਗ੍ਯਾਨ ਕੀ ਚਿਤ ਤੇ ਬਾਤ ਬਿਦਾ ਕਰੁ ॥ ग्यान की बात धरो मन मै; सु अग्यान की चित ते बात बिदा करु ॥ ਰਛਕ ਹੈ ਸਭ ਕੋ ਬ੍ਰਿਜਨਾਥ; ਕਹੈ ਕਬਿ ਸ੍ਯਾਮ ਇਹੈ ਜੀਅ ਮੈ ਧਰੁ ॥ रछक है सभ को ब्रिजनाथ; कहै कबि स्याम इहै जीअ मै धरु ॥ ਤ੍ਯਾਗ ਕੈ ਆਹਵ ਸਸਤ੍ਰ ਸਬੈ ਸੁ; ਅਬੈ ਘਨਿ ਸ੍ਯਾਮ ਕੇ ਪਾਇਨ ਪੈ ਪਰੁ ॥੧੮੬੭॥ त्याग कै आहव ससत्र सबै सु; अबै घनि स्याम के पाइन पै परु ॥१८६७॥ ਚੌਪਈ ॥ चौपई ॥ ਜਬੈ ਹਲਾਯੁਧ ਐਸੇ ਕਹਿਯੋ ॥ जबै हलायुध ऐसे कहियो ॥ ਕ੍ਰੋਧ ਡੀਠ ਰਾਜਾ ਤਨ ਚਹਿਯੋ ॥ क्रोध डीठ राजा तन चहियो ॥ ਕਹਿਯੋ ਨ੍ਰਿਪਤਿ, ਸਬ ਕੋ ਸੰਘਰ ਹੋਂ ॥ कहियो न्रिपति, सब को संघर हों ॥ ਛਤ੍ਰੀ ਹੋਇ ਗ੍ਵਾਰ ਤੇ ਟਰ ਹੋਂ? ॥੧੮੬੮॥ छत्री होइ ग्वार ते टर हों? ॥१८६८॥ |
|
|
|
|
Dasam Granth |