ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 464 ਜੋਤਿ ਮਿਲੀ ਤਿਹ ਕੀ ਪ੍ਰਭੁ ਸਿਉ; ਜਿਮ ਦੀਪਕ ਕ੍ਰਾਤਿ ਮਿਲੈ ਰਵਿ ਭਾ ਕਉ ॥ जोति मिली तिह की प्रभु सिउ; जिम दीपक क्राति मिलै रवि भा कउ ॥ ਸੂਰਜ ਮੰਡਲ ਛੇਦ ਕੈ ਭੇਦ ਕੈ; ਪ੍ਰਾਨ ਗਏ ਹਰਿ ਧਾਮ ਦਸਾ ਕਉ ॥੧੭੮੫॥ सूरज मंडल छेद कै भेद कै; प्रान गए हरि धाम दसा कउ ॥१७८५॥ ਸਤ੍ਰੁ ਬਿਦਾਰ ਹਨਿਓ ਜਬ ਹੀ; ਤਬ ਸ੍ਰੀ ਬ੍ਰਿਜਭੂਖਨ ਕੋਪ ਭਰਿਯੋ ਹੈ ॥ सत्रु बिदार हनिओ जब ही; तब स्री ब्रिजभूखन कोप भरियो है ॥ ਸ੍ਯਾਮ ਭਨੇ ਤਜਿ ਕੈ ਸਬ ਸੰਕ; ਨਿਸੰਕ ਹੁਇ ਬੈਰਨ ਮਾਝ ਪਰਿਯੋ ਹੈ ॥ स्याम भने तजि कै सब संक; निसंक हुइ बैरन माझ परियो है ॥ ਭੈਰਵ ਭੂਪ ਸਿਉ ਜੁਧ ਕੀਓ ਸੁ; ਵਹੈ ਛਿਨ ਮੈ ਬਿਨੁ ਪ੍ਰਾਨ ਕਰਿਯੋ ਹੈ ॥ भैरव भूप सिउ जुध कीओ सु; वहै छिन मै बिनु प्रान करियो है ॥ ਭੂਮਿ ਗਿਰਿਯੋ ਰਥ ਤੇ ਇਹ ਭਾਂਤਿ; ਮਨੋ ਨਭ ਤੇ ਗ੍ਰਹ ਟੂਟਿ ਪਰਿਯੋ ਹੈ ॥੧੭੮੬॥ भूमि गिरियो रथ ते इह भांति; मनो नभ ते ग्रह टूटि परियो है ॥१७८६॥ ਏਕ ਭਰੇ ਭਟ ਸ੍ਰੌਨਤ ਸੋ; ਭਭਕਾਰਤ ਘਾਇ ਫਿਰੈ ਰਨਿ ਡੋਲਤ ॥ एक भरे भट स्रौनत सो; भभकारत घाइ फिरै रनि डोलत ॥ ਏਕ ਪਰੇ ਗਿਰ ਕੈ ਧਰਨੀ; ਤਿਨ ਕੇ ਤਨ ਜੰਬੁਕ ਗੀਧ ਕਢੋਲਤ ॥ एक परे गिर कै धरनी; तिन के तन ज्मबुक गीध कढोलत ॥ ਏਕਨ ਕੇ ਮੁਖਿ ਓਠਨ ਆਂਖਨ; ਕਾਗ ਸੁ ਚੋਚਨ ਸਿਉ ਟਕ ਟੋਲਤ ॥ एकन के मुखि ओठन आंखन; काग सु चोचन सिउ टक टोलत ॥ ਏਕਨ ਕੀ ਉਰਿ ਆਂਤਨ ਕੋ ਕਢਿ; ਜੋਗਨਿ ਹਾਥਨ ਸਿਉ ਝਕਝੋਲਤ ॥੧੭੮੭॥ एकन की उरि आंतन को कढि; जोगनि हाथन सिउ झकझोलत ॥१७८७॥ ਮਾਨ ਭਰੇ ਅਸਿ ਪਾਨਿ ਧਰੇ; ਚਹੂੰ ਓਰਨ ਤੇ ਬਹੁਰੋ ਅਰਿ ਆਏ ॥ मान भरे असि पानि धरे; चहूं ओरन ते बहुरो अरि आए ॥ ਸ੍ਰੀ ਜਦੁਬੀਰ ਕੇ ਬੀਰ ਜਿਤੇ; ਕਬਿ ਸ੍ਯਾਮ ਕਹੈ ਇਤ ਤੇ ਤੇਊ ਧਾਏ ॥ स्री जदुबीर के बीर जिते; कबि स्याम कहै इत ते तेऊ धाए ॥ ਬਾਨਨ ਸੈਥਿਨ ਅਉ ਕਰਵਾਰਿ; ਹਕਾਰਿ ਹਕਾਰਿ ਪ੍ਰਹਾਰ ਲਗਾਏ ॥ बानन सैथिन अउ करवारि; हकारि हकारि प्रहार लगाए ॥ ਆਇ ਖਏ ਇਕ ਜੀਤ ਲਏ; ਇਕ ਭਾਜਿ ਗਏ, ਇਕ ਮਾਰਿ ਗਿਰਾਏ ॥੧੭੮੮॥ आइ खए इक जीत लए; इक भाजि गए, इक मारि गिराए ॥१७८८॥ ਜੇ ਭਟ ਆਹਵ ਮੈ ਕਬਹੂੰ; ਅਰਿ ਕੈ ਲਰਿ ਕੈ ਪਗੁ ਏਕ ਨ ਟਾਰੇ ॥ जे भट आहव मै कबहूं; अरि कै लरि कै पगु एक न टारे ॥ ਜੀਤਿ ਫਿਰੈ ਸਭ ਦੇਸਨ ਕਉ; ਸੋਊ ਭਾਜਿ ਗਏ ਜਿਹ ਓਰਿ ਨਿਹਾਰੇ ॥ जीति फिरै सभ देसन कउ; सोऊ भाजि गए जिह ओरि निहारे ॥ ਜੋ ਜਮ ਕੇ ਸੰਗਿ ਜੂਝ ਕਰੈ; ਤਬ ਅੰਤਕ ਤੇ ਨਹਿ ਜਾਤ ਨਿਵਾਰੇ ॥ जो जम के संगि जूझ करै; तब अंतक ते नहि जात निवारे ॥ ਤੇ ਭਟ ਜੂਝਿ ਪਰੇ ਰਨ ਮੈ; ਜਦੁਬੀਰ ਕੇ ਕੋਪ ਕ੍ਰਿਪਾਨ ਕੇ ਮਾਰੇ ॥੧੭੮੯॥ ते भट जूझि परे रन मै; जदुबीर के कोप क्रिपान के मारे ॥१७८९॥ ਏਕ ਹੁਤੋ ਬਲਬੀਰ ਬਡੋ; ਜਦੁਬੀਰ ਲਿਲਾਟ ਮੈ ਬਾਨ ਲਗਾਯੋ ॥ एक हुतो बलबीर बडो; जदुबीर लिलाट मै बान लगायो ॥ ਫੋਕ ਰਹੀ ਗਡਿ ਭਉਹਨਿ ਮੈ; ਸਰੁ ਛੇਦ ਸਭੈ ਸਿਰ ਪਾਰ ਪਰਾਯੋ ॥ फोक रही गडि भउहनि मै; सरु छेद सभै सिर पार परायो ॥ ਸ੍ਯਾਮ ਕਹੈ ਉਪਮਾ ਤਿਹ ਕੀ; ਬਰ ਘਾਇ ਲਗੇ ਬਹੁ ਸ੍ਰੋਨ ਬਹਾਯੋ ॥ स्याम कहै उपमा तिह की; बर घाइ लगे बहु स्रोन बहायो ॥ ਮਾਨਹੁ ਇੰਦ੍ਰ ਪੈ ਕੋਪੁ ਕੀਯੋ; ਸਿਵ ਤੀਸਰੇ ਨੈਨ ਕੋ ਤੇਜ ਦਿਖਾਯੋ ॥੧੭੯੦॥ मानहु इंद्र पै कोपु कीयो; सिव तीसरे नैन को तेज दिखायो ॥१७९०॥ ਜਦੁਬੀਰ ਮਹਾ ਰਨਧੀਰ ਜਬੈ; ਸੁ ਧਵਾਇ ਪਰੇ ਰਥ ਇਉ ਕਹਿ ਕੈ ॥ जदुबीर महा रनधीर जबै; सु धवाइ परे रथ इउ कहि कै ॥ ਬਲਿ ! ਦਛਨ ਓਰਿ ਨਿਹਾਰ, ਕਿਤੋ; ਦਲ ਧਾਯੋ ਹੈ, ਸਸਤ੍ਰ ਸਬੈ ਗਹਿ ਕੈ ॥ बलि ! दछन ओरि निहार, कितो; दल धायो है, ससत्र सबै गहि कै ॥ ਬਤੀਯਾ ਸੁਨਿ ਸੋ ਬ੍ਰਿਜ ਨਾਇਕ ਕੀ; ਹਲ ਸੋ ਬਲਿ ਧਾਇ ਲੀਏ ਚਹਿ ਕੈ ॥ बतीया सुनि सो ब्रिज नाइक की; हल सो बलि धाइ लीए चहि कै ॥ ਤਿਹ ਕੋ ਅਤਿ ਸ੍ਰੋਨ ਪਰਿਓ ਭੂਅ ਮੈ; ਮਨੋ ਸਾਰਸੁਤੀ ਸੁ ਚਲੀ ਬਹਿ ਕੈ ॥੧੭੯੧॥ तिह को अति स्रोन परिओ भूअ मै; मनो सारसुती सु चली बहि कै ॥१७९१॥ ਏਕ ਨਿਹਾਰ ਭਯੋ ਅਤਿ ਆਹਵ; ਸ੍ਯਾਮ ਭਨੈ ਤਜਿ ਕੈ ਰਨ ਭਾਗੇ ॥ एक निहार भयो अति आहव; स्याम भनै तजि कै रन भागे ॥ ਘਾਇਲ ਘੂਮਤ ਏਕ ਫਿਰੈ; ਮਨੋ ਨੀਦ ਘਨੀ ਨਿਸਿ ਕੇ ਕਹੂੰ ਜਾਗੇ ॥ घाइल घूमत एक फिरै; मनो नीद घनी निसि के कहूं जागे ॥ ਪਉਰਖਵੰਤ ਬਡੇ ਭਟ ਏਕ ਸੁ; ਸ੍ਯਾਮ ਸੋ ਜੁਧ ਹੀ ਕਉ ਅਨੁਰਾਗੇ ॥ पउरखवंत बडे भट एक सु; स्याम सो जुध ही कउ अनुरागे ॥ ਏਕ ਤ੍ਯਾਗ ਕੈ ਸਸਤ੍ਰ ਸਬੈ; ਜਦੁਰਾਇ ਕੇ ਆਇ ਕੈ ਪਾਇਨ ਲਾਗੈ ॥੧੭੯੨॥ एक त्याग कै ससत्र सबै; जदुराइ के आइ कै पाइन लागै ॥१७९२॥ |
|
|
|
|
Dasam Granth |