ਦਸਮ ਗਰੰਥ । दसम ग्रंथ ।

Page 1279

ਦੋਹਰਾ ॥

दोहरा ॥

ਮਾਰਿ ਖੁਦਾਇਨ ਦੁਹੂੰ ਕਹ; ਬਰਿਯੋ ਆਨਿ ਕਰ ਮਿਤ ॥

मारि खुदाइन दुहूं कह; बरियो आनि कर मित ॥

ਦੇਵ ਅਦੇਵ ਨ ਪਾਵਹੀ; ਅਬਲਾਨ ਕੇ ਚਰਿਤ ॥੧੧॥

देव अदेव न पावही; अबलान के चरित ॥११॥

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਤੇਈਸ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੨੩॥੬੦੯੫॥ਅਫਜੂੰ॥

इति स्री चरित्र पख्याने त्रिया चरित्रे मंत्री भूप स्मबादे तीन सौ तेईस चरित्र समापतम सतु सुभम सतु ॥३२३॥६०९५॥अफजूं॥


ਚੌਪਈ ॥

चौपई ॥

ਮੰਤ੍ਰੀ ਕਥਾ ਉਚਾਰਨ ਲਾਗਾ ॥

मंत्री कथा उचारन लागा ॥

ਜਾ ਕੇ ਰਸ ਰਾਜਾ ਅਨੁਰਾਗਾ ॥

जा के रस राजा अनुरागा ॥

ਸੂਰਤਿ ਸੈਨ ਨ੍ਰਿਪਤਿ ਇਕ ਸੂਰਤਿ ॥

सूरति सैन न्रिपति इक सूरति ॥

ਜਾਨੁਕ ਦੁਤਿਯ ਮੈਨ ਕੀ ਮੂਰਤਿ ॥੧॥

जानुक दुतिय मैन की मूरति ॥१॥

ਅਛ੍ਰਾ ਦੇਇ ਸਦਨ ਤਿਹ ਨਾਰੀ ॥

अछ्रा देइ सदन तिह नारी ॥

ਕਨਕ ਅਵਟਿ ਸਾਂਚੈ ਜਨ ਢਾਰੀ ॥

कनक अवटि सांचै जन ढारी ॥

ਅਪਸਰ ਮਤੀ ਸੁਤਾ ਤਿਹ ਸੋਹੈ ॥

अपसर मती सुता तिह सोहै ॥

ਸੁਰ ਨਰ ਨਾਗ ਅਸੁਰ ਮਨ ਮੋਹੈ ॥੨॥

सुर नर नाग असुर मन मोहै ॥२॥

ਸੁਰਿਦ ਸੈਨ ਇਕ ਸਾਹ ਪੁਤ੍ਰ ਤਹ ॥

सुरिद सैन इक साह पुत्र तह ॥

ਜਿਹ ਸਮ ਦੂਸਰ ਭਯੋ ਨ ਮਹਿ ਮਹ ॥

जिह सम दूसर भयो न महि मह ॥

ਰਾਜ ਸੁਤਾ ਤਿਹ ਊਪਰ ਅਟਕੀ ॥

राज सुता तिह ऊपर अटकी ॥

ਬਿਸਰਿ ਗਈ ਸਭ ਹੀ ਸੁਧਿ ਘਟ ਕੀ ॥੩॥

बिसरि गई सभ ही सुधि घट की ॥३॥

ਚਤੁਰਿ ਸਹਚਰੀ ਤਹਾ ਪਠਾਈ ॥

चतुरि सहचरी तहा पठाई ॥

ਨਾਰਿ ਭੇਸ ਕਰਿ ਤਿਹ ਲੈ ਆਈ ॥

नारि भेस करि तिह लै आई ॥

ਜਬ ਵਹੁ ਤਰੁਨ ਤਰੁਨਿਯਹਿ ਪਾਯੋ ॥

जब वहु तरुन तरुनियहि पायो ॥

ਭਾਂਤਿ ਭਾਂਤਿ ਭਜਿ ਗਰੇ ਲਗਾਯੋ ॥੪॥

भांति भांति भजि गरे लगायो ॥४॥

ਭਾਂਤਿ ਭਾਂਤਿ ਕੇ ਆਸਨ ਲੈ ਕੈ ॥

भांति भांति के आसन लै कै ॥

ਭਾਂਤਿ ਭਾਂਤਿ ਤਨ ਚੁੰਬਨ ਕੈ ਕੈ ॥

भांति भांति तन चु्मबन कै कै ॥

ਤਿਹ ਤਿਹ ਬਿਧਿ ਤਾ ਕੋ ਬਿਰਮਾਯੋ ॥

तिह तिह बिधि ता को बिरमायो ॥

ਗ੍ਰਿਹ ਜੈਬੋ ਤਿਨਹੂੰ ਸੁ ਭੁਲਾਯੋ ॥੫॥

ग्रिह जैबो तिनहूं सु भुलायो ॥५॥

ਸਖੀ ਭੇਸ ਕਹ ਧਾਰੇ ਰਹੈ ॥

सखी भेस कह धारे रहै ॥

ਸੋਈ ਕਰੈ ਜੁ ਅਬਲਾ ਕਹੈ ॥

सोई करै जु अबला कहै ॥

ਰੋਜ ਭਜੈ ਆਸਨ ਤਿਹ ਲੈ ਕੈ ॥

रोज भजै आसन तिह लै कै ॥

ਭਾਂਤਿ ਭਾਂਤਿ ਤਾ ਕਹੁ ਸੁਖ ਦੈ ਕੈ ॥੬॥

भांति भांति ता कहु सुख दै कै ॥६॥

ਪਿਤ ਤਿਹ ਨਿਰਖੈ ਭੇਦ ਨ ਜਾਨੈ ॥

पित तिह निरखै भेद न जानै ॥

ਦੁਹਿਤਾ ਕੀ ਤਿਹ ਸਖੀ ਪ੍ਰਮਾਨੈ ॥

दुहिता की तिह सखी प्रमानै ॥

ਭੇਦ ਅਭੇਦ ਜੜ ਕੋਇ ਨ ਲਹਹੀ ॥

भेद अभेद जड़ कोइ न लहही ॥

ਵਾ ਕੀ ਤਾਹਿ ਖਵਾਸਿਨਿ ਕਰਹੀ ॥੭॥

वा की ताहि खवासिनि करही ॥७॥

ਇਕ ਦਿਨ ਦੁਹਿਤਾ ਪਿਤਾ ਨਿਹਾਰਤ ॥

इक दिन दुहिता पिता निहारत ॥

ਭਈ ਖੇਲ ਕੇ ਬੀਚ ਮਹਾ ਰਤ ॥

भई खेल के बीच महा रत ॥

ਤਵਨ ਪੁਰਖ ਕਹ ਪੁਰਖ ਉਚਰਿ ਕੈ ॥

तवन पुरख कह पुरख उचरि कै ॥

ਭਰਤਾ ਕਰਾ ਸੁਯੰਬਰ ਕਰਿ ਕੈ ॥੮॥

भरता करा सुय्मबर करि कै ॥८॥

ਬੈਠੀ ਬਹੁਰਿ ਸੋਕ ਮਨ ਧਰਿ ਕੈ ॥

बैठी बहुरि सोक मन धरि कै ॥

ਸੁਨਤ ਮਾਤ ਪਿਤ ਬਚਨ ਉਚਰਿ ਕੈ ॥

सुनत मात पित बचन उचरि कै ॥

ਕਹ ਇਹ ਕਰੀ? ਲਖਹੁ ਹਮਰੀ ਗਤਿ ॥

कह इह करी? लखहु हमरी गति ॥

ਮੁਹਿ ਇਨ ਦੀਨ ਸਹਚਰੀ ਕਰਿ ਪਤਿ ॥੯॥

मुहि इन दीन सहचरी करि पति ॥९॥

ਅਬ ਮੁਹਿ ਭਈ ਇਹੈ ਸਹਚਰਿ ਪਤਿ ॥

अब मुहि भई इहै सहचरि पति ॥

ਖੇਲਤ ਦਈ ਲਰਿਕਵਨ ਸੁਭ ਮਤਿ ॥

खेलत दई लरिकवन सुभ मति ॥

ਅਬ ਜੌ ਹੈ ਮੋਰੈ ਸਤ ਮਾਹੀ ॥

अब जौ है मोरै सत माही ॥

ਤੌ ਇਹ ਨਾਰਿ ਪੁਰਖ ਹ੍ਵੈ ਜਾਹੀ ॥੧੦॥

तौ इह नारि पुरख ह्वै जाही ॥१०॥

ਤ੍ਰਿਯ ਤੇ ਇਹੈ ਪੁਰਖ ਹ੍ਵੈ ਜਾਹੀ ॥

त्रिय ते इहै पुरख ह्वै जाही ॥

ਜੌ ਕਛੁ ਸਤ ਮੇਰੇ ਮਹਿ ਆਹੀ ॥

जौ कछु सत मेरे महि आही ॥

ਯਹ ਅਬ ਜੂਨਿ ਪੁਰਖ ਕੀ ਪਾਵੈ ॥

यह अब जूनि पुरख की पावै ॥

ਮਦਨ ਭੋਗ ਮੁਰਿ ਸੰਗ ਕਮਾਵੈ ॥੧੧॥

मदन भोग मुरि संग कमावै ॥११॥

ਚਕ੍ਰਿਤ ਭਯੋ ਰਾਜਾ ਇਨ ਬਚਨਨ ॥

चक्रित भयो राजा इन बचनन ॥

ਰਾਨੀ ਸਹਿਤ ਬਿਚਾਰ ਕਿਯੋ ਮਨ ॥

रानी सहित बिचार कियो मन ॥

ਦੁਹਿਤਾ ਕਹਾ ਕਹਤ ਬੈਨਨ ਕਹ? ॥

दुहिता कहा कहत बैनन कह? ॥

ਅਚਰਜ ਸੋ ਆਵਤ ਹੈ ਜਿਯ ਮਹ ॥੧੨॥

अचरज सो आवत है जिय मह ॥१२॥

TOP OF PAGE

Dasam Granth