ਦਸਮ ਗਰੰਥ । दसम ग्रंथ ।

Page 1090

ਦੋਹਰਾ ॥

दोहरा ॥

ਸੋਤ ਜਗਾਯੋ ਨਾਥ ਤਿਹ; ਭੁਜ ਤਾ ਕੀ ਗਹਿ ਲੀਨ ॥

सोत जगायो नाथ तिह; भुज ता की गहि लीन ॥

ਆਨਿ ਮਿਲਾਯੋ ਨ੍ਰਿਪਤ ਸੌ; ਸਕਿਯੋ ਨ ਜੜ ਕਛੁ ਚੀਨ ॥੪॥

आनि मिलायो न्रिपत सौ; सकियो न जड़ कछु चीन ॥४॥

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਇਕ ਸੌ ਅਠਾਨਵੋ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੧੯੮॥੩੬੯੮॥ਅਫਜੂੰ॥

इति स्री चरित्र पख्याने त्रिया चरित्रे मंत्री भूप स्मबादे इक सौ अठानवो चरित्र समापतम सतु सुभम सतु ॥१९८॥३६९८॥अफजूं॥


ਦੋਹਰਾ ॥

दोहरा ॥

ਰਤਨ ਸੈਨ ਰਾਨਾ ਰਹੈ; ਗੜਿ ਚਿਤੌਰ ਕੇ ਮਾਹਿ ॥

रतन सैन राना रहै; गड़ि चितौर के माहि ॥

ਰੂਪ ਸੀਲ ਸੁਚਿ ਬ੍ਰਤਨ ਮੈ; ਜਾ ਸਮ ਕਹ ਜਗ ਨਾਹਿ ॥੧॥

रूप सील सुचि ब्रतन मै; जा सम कह जग नाहि ॥१॥

ਚੌਪਈ ॥

चौपई ॥

ਅਧਿਕ ਸੂਆ ਤਿਨ ਏਕ ਪੜਾਯੋ ॥

अधिक सूआ तिन एक पड़ायो ॥

ਤਾਹਿ ਸਿੰਗਲਾਦੀਪ ਪਠਾਯੋ ॥

ताहि सिंगलादीप पठायो ॥

ਤਹ ਤੇ ਏਕ ਪਦਮਿਨੀ ਆਨੀ ॥

तह ते एक पदमिनी आनी ॥

ਜਾ ਕੀ ਪ੍ਰਭਾ ਨ ਜਾਤ ਬਖਾਨੀ ॥੨॥

जा की प्रभा न जात बखानी ॥२॥

ਜਬ ਵਹ ਸੁੰਦਰਿ ਪਾਨ ਚਬਾਵੈ ॥

जब वह सुंदरि पान चबावै ॥

ਦੇਖੀ ਪੀਕ ਕੰਠ ਮੈ ਜਾਵੈ ॥

देखी पीक कंठ मै जावै ॥

ਊਪਰ ਭਵਰ ਭ੍ਰਮਹਿ ਮਤਵਾਰੇ ॥

ऊपर भवर भ्रमहि मतवारे ॥

ਨੈਨ ਜਾਨ ਦੋਊ ਬਨੇ ਕਟਾਰੇ ॥੩॥

नैन जान दोऊ बने कटारे ॥३॥

ਤਾ ਪਰ ਰਾਵ ਅਸਕਤਿ ਅਤਿ ਭਯੋ ॥

ता पर राव असकति अति भयो ॥

ਰਾਜ ਕਾਜ ਸਭ ਹੀ ਤਜਿ ਦਯੋ ॥

राज काज सभ ही तजि दयो ॥

ਤਾ ਕੀ ਨਿਰਖਿ ਪ੍ਰਭਾ ਕੌ ਜੀਵੈ ॥

ता की निरखि प्रभा कौ जीवै ॥

ਬਿਨੁ ਹੇਰੇ ਤਿਹ ਪਾਨ ਨ ਪੀਵੈ ॥੪॥

बिनु हेरे तिह पान न पीवै ॥४॥

ਦੋਹਰਾ ॥

दोहरा ॥

ਰਾਘੌ ਚੇਤਨਿ ਦੋ ਹੁਤੇ; ਮੰਤ੍ਰੀ ਤਾਹਿ ਅਪਾਰ ॥

राघौ चेतनि दो हुते; मंत्री ताहि अपार ॥

ਨਿਰਖਿ ਰਾਵ ਤਿਹ ਬਸਿ ਭਯੋ; ਐਸੋ ਕਿਯੋ ਬਿਚਾਰ ॥੫॥

निरखि राव तिह बसि भयो; ऐसो कियो बिचार ॥५॥

ਚੌਪਈ ॥

चौपई ॥

ਤਾ ਕੀ ਪ੍ਰਤਿਮਾ ਪ੍ਰਥਮ ਬਨਾਈ ॥

ता की प्रतिमा प्रथम बनाई ॥

ਜਾ ਸਮ ਦੇਵ ਅਦੇਵ ਨ ਜਾਈ ॥

जा सम देव अदेव न जाई ॥

ਜੰਘਹੁ ਤੇ ਤਿਲ ਤਿਹ ਲਿਖਿ ਡਰਿਯੋ ॥

जंघहु ते तिल तिह लिखि डरियो ॥

ਅਤਿਭੁਤ ਕਰਮ ਮੰਤ੍ਰਿਯਨ ਕਰਿਯੋ ॥੬॥

अतिभुत करम मंत्रियन करियो ॥६॥

ਜਬ ਬਚਿਤ੍ਰ ਨ੍ਰਿਪ ਚਿਤ੍ਰ ਨਿਹਾਰੈ ॥

जब बचित्र न्रिप चित्र निहारै ॥

ਬੈਠਿ ਸਭਾ ਕਛੁ ਕਾਜ ਸਵਾਰੈ ॥

बैठि सभा कछु काज सवारै ॥

ਤਾ ਕੇ ਤਿਲਹਿ ਬਿਲੋਕਿਯੋ ਜਬ ਹੀ ॥

ता के तिलहि बिलोकियो जब ही ॥

ਭਰਮ ਬਢਿਯੋ ਰਾਜਾ ਕੈ ਤਬ ਹੀ ॥੭॥

भरम बढियो राजा कै तब ही ॥७॥

ਤਬ ਨ੍ਰਿਪ ਤਿਨ ਮੰਤ੍ਰਿਨ ਗਹਿ ਮਾਰਿਯੋ ॥

तब न्रिप तिन मंत्रिन गहि मारियो ॥

ਇਨ ਰਾਨੀ ਸੌ ਕਾਜ ਬਿਗਾਰਿਯੋ ॥

इन रानी सौ काज बिगारियो ॥

ਦਿਬ੍ਯ ਦ੍ਰਿਸਟਿ ਇਨ ਕੇ ਕਤ ਹੋਈ ॥

दिब्य द्रिसटि इन के कत होई ॥

ਕੇਲ ਕਰੇ ਬਿਨੁ ਲਖੈ ਨ ਕੋਈ ॥੮॥

केल करे बिनु लखै न कोई ॥८॥

ਜਬ ਮੰਤ੍ਰੀ ਦੋਊ ਨ੍ਰਿਪ ਮਾਰਿਯੋ ॥

जब मंत्री दोऊ न्रिप मारियो ॥

ਸਾਹ ਤਨੈ ਤਿਨ ਪੂਤ ਪੁਕਾਰਿਯੋ ॥

साह तनै तिन पूत पुकारियो ॥

ਏਕ ਚਿਤਉਰ ਪਦੁਮਿਨਿ ਨਾਰੀ ॥

एक चितउर पदुमिनि नारी ॥

ਜਾ ਸਮ ਕਾਨ ਸੁਨੀ ਨ ਨਿਹਾਰੀ ॥੯॥

जा सम कान सुनी न निहारी ॥९॥

ਅੜਿਲ ॥

अड़िल ॥

ਤਨਿਕ ਭਨਕ ਪਦੁਮਿਨਿ ਜਬ; ਸਹ ਕਾਨਨ ਪਰੀ ॥

तनिक भनक पदुमिनि जब; सह कानन परी ॥

ਅਮਿਤ ਸੈਨ ਲੈ ਸੰਗ; ਚੜਤ ਤਿਤ ਕੌ ਕਰੀ ॥

अमित सैन लै संग; चड़त तित कौ करी ॥

ਗੜਹਿ ਗਿਰਦ ਕਰਿ ਜੁਧ; ਬਹੁਤ ਭਾਂਤਿਨ ਕਰਿਯੋ ॥

गड़हि गिरद करि जुध; बहुत भांतिन करियो ॥

ਹੋ ਜੈਨ ਲਾਵਦੀ ਤਬੈ; ਚਿਤ ਮੈ ਰਿਸਿ ਭਰਿਯੋ ॥੧੦॥

हो जैन लावदी तबै; चित मै रिसि भरियो ॥१०॥

ਚੌਪਈ ॥

चौपई ॥

ਨਿਜੁ ਕਰਿ ਲਾਇ ਆਂਬ ਤਿਨ ਖਾਏ ॥

निजु करि लाइ आंब तिन खाए ॥

ਗੜ ਚਿਤੌਰ ਹਾਥ ਨਹਿ ਆਏ ॥

गड़ चितौर हाथ नहि आए ॥

ਤਬ ਤਿਨ ਸਾਹ ਦਗਾ ਯੌ ਕਿਯੋ ॥

तब तिन साह दगा यौ कियो ॥

ਲਿਖਿ ਕੈ ਲਿਖੋ ਪਠੈ ਇਕ ਦਿਯੋ ॥੧੧॥

लिखि कै लिखो पठै इक दियो ॥११॥

ਸੁਨੁ ਰਾਨਾ ਜੀ! ਮੈ ਅਤਿ ਹਾਰੋ ॥

सुनु राना जी! मै अति हारो ॥

ਅਬ ਛੋਡਤ ਹੌ ਦੁਰਗ ਤਿਹਾਰੋ ॥

अब छोडत हौ दुरग तिहारो ॥

ਏਕ ਸ੍ਵਾਰ ਸੌ ਮੈ ਹ੍ਯਾ ਆਊ ॥

एक स्वार सौ मै ह्या आऊ ॥

ਗੜਿਹਿ ਨਿਹਾਰਿ ਘਰਹਿ ਉਠਿ ਜਾਊ ॥੧੨॥

गड़िहि निहारि घरहि उठि जाऊ ॥१२॥

TOP OF PAGE

Dasam Granth