ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 958 ਦੋਹਰਾ ॥ दोहरा ॥ ਮਾਰਿ ਤਵਨ ਕੋ ਰਾਵ ਜੀ; ਪਰਿਯੋ ਧਰਨਿ ਪਰ ਆਇ ॥ मारि तवन को राव जी; परियो धरनि पर आइ ॥ ਭ੍ਰਿਤਨ ਨਿਕਟ ਪਹੂੰਚਿ ਕੈ; ਲਯੋ ਗਰੇ ਸੋ ਲਾਇ ॥੩੬॥ भ्रितन निकट पहूंचि कै; लयो गरे सो लाइ ॥३६॥ ਚੌਪਈ ॥ चौपई ॥ ਐਸੋ ਹਾਲ ਚਾਕਰਨ ਭਯੋ ॥ ऐसो हाल चाकरन भयो ॥ ਜਨੁਕ ਧਨੀ ਨ੍ਰਿਧਨੀ ਹ੍ਵੈ ਗਯੋ ॥ जनुक धनी न्रिधनी ह्वै गयो ॥ ਨ੍ਰਿਪ ਦੈ, ਕਹਾ ਧਾਮ ਹਮ ਜੈਹੈ? ॥ न्रिप दै, कहा धाम हम जैहै? ॥ ਕਹਾ ਰਾਨਿਯਹਿ ਬਕਤ੍ਰ ਦਿਖੈ ਹੈ? ॥੩੭॥ कहा रानियहि बकत्र दिखै है? ॥३७॥ ਨਭ ਬਾਨੀ ਤਿਨ ਕੋ ਤਬ ਭਈ ॥ नभ बानी तिन को तब भई ॥ ਭ੍ਰਿਤ! ਸੁਧਿ ਕਹਾ ਤੁਮਾਰੀ ਗਈ? ॥ भ्रित! सुधि कहा तुमारी गई? ॥ ਜੋਧਾ ਬਡੋ ਜੂਝਿ ਜਹ ਜਾਵੈ ॥ जोधा बडो जूझि जह जावै ॥ ਰਨ ਛਿਤ ਤੇ ਤਿਨ ਕੌਨ ਉਚਾਵੈ? ॥੩੮॥ रन छित ते तिन कौन उचावै? ॥३८॥ ਦੋਹਰਾ ॥ दोहरा ॥ ਤਾ ਤੇ ਯਾ ਕੀ ਕਬਰ ਖਨਿ; ਗਾਡਹੁ ਇਹੀ ਬਨਾਇ ॥ ता ते या की कबर खनि; गाडहु इही बनाइ ॥ ਅਸ੍ਵ ਬਸਤ੍ਰ ਲੈ ਜਾਹੁ ਘਰ; ਦੇਹੁ ਸੰਦੇਸੋ ਜਾਇ ॥੩੯॥ अस्व बसत्र लै जाहु घर; देहु संदेसो जाइ ॥३९॥ ਬਾਨੀ ਸੁਨਿ ਗਾਡਿਯੋ ਤਿਸੈ; ਭਏ ਪਵਨ ਭ੍ਰਿਤ ਭੇਸ ॥ बानी सुनि गाडियो तिसै; भए पवन भ्रित भेस ॥ ਅਸ੍ਵ ਬਸਤ੍ਰ ਲੈ ਲਾਲ ਕੇ; ਬਾਲਹਿ ਦਯੋ ਸੰਦੇਸ ॥੪੦॥ अस्व बसत्र लै लाल के; बालहि दयो संदेस ॥४०॥ ਚੌਪਈ ॥ चौपई ॥ ਬੈਠੀ ਬਾਲ ਜਹਾ ਬਡਭਾਗੀ ॥ बैठी बाल जहा बडभागी ॥ ਚਿਤ ਚੋਰ ਕੀ ਚਿਤਵਨਿ ਲਾਗੀ ॥ चित चोर की चितवनि लागी ॥ ਤਬ ਲੌ ਖਬਰਿ ਚਾਕਰਨ ਦਈ ॥ तब लौ खबरि चाकरन दई ॥ ਅਰੁਨ ਹੁਤੀ ਪਿਯਰੀ ਹ੍ਵੈ ਗਈ ॥੪੧॥ अरुन हुती पियरी ह्वै गई ॥४१॥ ਦੋਹਰਾ ॥ दोहरा ॥ ਚੜਿ ਬਿਵਾਨ ਤਹ ਤ੍ਰਿਯ ਚਲੀ; ਜਹਾਂ ਹਨ੍ਯੋ ਨਿਜੁ ਪੀਯ ॥ चड़ि बिवान तह त्रिय चली; जहां हन्यो निजु पीय ॥ ਕੈ ਲੈ ਐਹੌਂ ਪੀਯ ਕੌ; ਕੈ ਤਹ ਦੈਹੌਂ ਜੀਯ ॥੪੨॥ कै लै ऐहौं पीय कौ; कै तह दैहौं जीय ॥४२॥ ਚੌਪਈ ॥ चौपई ॥ ਚਲੀ ਚਲੀ ਅਬਲਾ ਤਹ ਆਈ ॥ चली चली अबला तह आई ॥ ਦਾਬਿਯੋ ਜਹਾ ਮੀਤ ਸੁਖਦਾਈ ॥ दाबियो जहा मीत सुखदाई ॥ ਕਬਰਿ ਨਿਹਾਰਿ ਚਕ੍ਰਿਤ ਚਿਤ ਭਈ ॥ कबरि निहारि चक्रित चित भई ॥ ਤਾਹੀ ਬਿਖੈ ਲੀਨ ਹ੍ਵੈ ਗਈ ॥੪੩॥ ताही बिखै लीन ह्वै गई ॥४३॥ ਦੋਹਰਾ ॥ दोहरा ॥ ਮਰਨ ਸਭਨ ਕੇ ਮੂੰਡ ਪੈ; ਸਫਲ ਮਰਨ ਹੈ ਤਾਹਿ ॥ मरन सभन के मूंड पै; सफल मरन है ताहि ॥ ਤਨਕ ਬਿਖੈ ਤਨ ਕੌ ਤਜੈ; ਪਿਯ ਸੋ ਪ੍ਰੀਤਿ ਬਨਾਇ ॥੪੪॥ तनक बिखै तन कौ तजै; पिय सो प्रीति बनाइ ॥४४॥ ਤਨ ਗਾਡਿਯੋ ਜਹ ਤੁਮ ਮਿਲੇ; ਅੰਗ ਮਿਲਿਯੋ ਸਰਬੰਗ ॥ तन गाडियो जह तुम मिले; अंग मिलियो सरबंग ॥ ਸਭ ਕਛੁ ਤਜਿ ਗ੍ਰਿਹ ਕੋ ਚਲਿਯੋ; ਪ੍ਰਾਨ ਪਿਯਾਰੇ ਸੰਗ ॥੪੫॥ सभ कछु तजि ग्रिह को चलियो; प्रान पियारे संग ॥४५॥ ਪਵਨ ਪਵਨ ਆਨਲ ਅਨਲ; ਨਭ ਨਭ ਭੂ ਭੂ ਸੰਗ ॥ पवन पवन आनल अनल; नभ नभ भू भू संग ॥ ਜਲ ਜਲ ਕੇ ਸੰਗ ਮਿਲਿ ਰਹਿਯੋ; ਤਨੁ ਪਿਯ ਕੇ ਸਰਬੰਗ ॥੪੬॥ जल जल के संग मिलि रहियो; तनु पिय के सरबंग ॥४६॥ ਚੌਪਈ ॥ चौपई ॥ ਪਿਯ ਹਿਤ ਦੇਹ ਤਵਨ ਤ੍ਰਿਯ ਦਈ ॥ पिय हित देह तवन त्रिय दई ॥ ਦੇਵ ਲੋਕ ਭੀਤਰ ਲੈ ਗਈ ॥ देव लोक भीतर लै गई ॥ ਅਰਧਾਸਨ ਬਾਸਵ ਤਿਹ ਦੀਨੋ ॥ अरधासन बासव तिह दीनो ॥ ਭਾਂਤਿ ਭਾਂਤਿ ਸੌ ਆਦਰੁ ਕੀਨੋ ॥੪੭॥ भांति भांति सौ आदरु कीनो ॥४७॥ ਦੋਹਰਾ ॥ दोहरा ॥ ਦੇਵ ਬਧੂਨ ਅਪਛਰਨ; ਲਯੋ ਬਿਵਾਨ ਚੜਾਇ ॥ देव बधून अपछरन; लयो बिवान चड़ाइ ॥ ਜੈ ਜੈਕਾਰ ਅਪਾਰ ਹੁਅ; ਹਰਖੇ ਸੁਨਿ ਸੁਰ ਰਾਇ ॥੪੮॥ जै जैकार अपार हुअ; हरखे सुनि सुर राइ ॥४८॥ ਮਛਰੀ ਔ ਬਿਰਹੀਨ ਕੇ; ਬਧ ਕੋ ਕਹਾ ਉਪਾਇ ॥ मछरी औ बिरहीन के; बध को कहा उपाइ ॥ ਜਲ ਪਿਯ ਤੇ ਬਿਛੁਰਾਇ ਯਹਿ; ਤਨਿਕ ਬਿਖੈ ਮਰਿ ਜਾਇ ॥੪੯॥ जल पिय ते बिछुराइ यहि; तनिक बिखै मरि जाइ ॥४९॥ ਪਾਪ ਨਰਕ ਤੇ ਨ ਡਰੀ; ਕਰੀ ਸਵਤਿ ਕੀ ਕਾਨਿ ॥ पाप नरक ते न डरी; करी सवति की कानि ॥ ਅਤਿ ਚਿਤ ਕੋਪ ਬਢਾਇ ਕੈ; ਪਿਯ ਲਗਵਾਯੋ ਬਾਨ ॥੫੦॥ अति चित कोप बढाइ कै; पिय लगवायो बान ॥५०॥ |
|
|
|
|
Dasam Granth |