ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 436 ਕਬਿਯੋ ਬਾਚ ॥ कबियो बाच ॥ ਸਵੈਯਾ ॥ सवैया ॥ ਜਾ ਪ੍ਰਭ ਕਉ ਨਿਤ ਬ੍ਰਹਮ ਸਚੀਪਤਿ; ਸ੍ਰੀ ਸਨਕਾਦਿਕ ਹੂੰ ਜਪੁ ਕੀਨੋ ॥ जा प्रभ कउ नित ब्रहम सचीपति; स्री सनकादिक हूं जपु कीनो ॥ ਸੂਰ ਸਸੀ ਸੁਰ ਨਾਰਦ ਸਾਰਦ; ਤਾਹੀ ਕੇ ਧਿਆਨ ਬਿਖੈ ਮਨੁ ਦੀਨੋ ॥ सूर ससी सुर नारद सारद; ताही के धिआन बिखै मनु दीनो ॥ ਖੋਜਤ ਹੈ ਜਿਹ ਸਿਧ ਮਹਾ ਮੁਨਿ; ਬਿਆਸ ਪਰਾਸੁਰ ਭੇਦ ਨ ਚੀਨੋ ॥ खोजत है जिह सिध महा मुनि; बिआस परासुर भेद न चीनो ॥ ਸੋ ਖੜਗੇਸ ਅਯੋਧਨ ਮੈ; ਕਰਿ ਮੋਹਿਤ, ਕੇਸਨ ਤੇ ਗਹਿ ਲੀਨੋ ॥੧੫੩੧॥ सो खड़गेस अयोधन मै; करि मोहित, केसन ते गहि लीनो ॥१५३१॥ ਮਾਰਿ ਬਕੀ ਬਕ ਅਉਰ ਅਘਾਸੁਰ; ਧੇਨਕ ਕੋ ਪਲ ਮੈ ਬਧ ਕੀਨੋ ॥ मारि बकी बक अउर अघासुर; धेनक को पल मै बध कीनो ॥ ਕੇਸੀ ਬਛਾਸੁਰ ਮੁਸਟ ਚੰਡੂਰ; ਕੀਏ ਚਕਚੂਰ ਸੁਨਿਯੋ ਪੁਰ ਤੀਨੋ ॥ केसी बछासुर मुसट चंडूर; कीए चकचूर सुनियो पुर तीनो ॥ ਸ੍ਰੀ ਹਰਿ ਸਤ੍ਰ ਅਨੇਕ ਹਨੇ; ਤਿਹ ਕਉਨ ਗਨੇ ਕਬਿ ਸ੍ਯਾਮ ਪ੍ਰਬੀਨੋ? ॥ स्री हरि सत्र अनेक हने; तिह कउन गने कबि स्याम प्रबीनो? ॥ ਕੰਸ ਕਉ ਕੇਸਨ ਤੇ ਗਹਿ ਕੇਸਵ; ਭੂਪ ਮਨੋ ਬਦਲੋ ਵਹੁ ਲੀਨੋ ॥੧੫੩੨॥ कंस कउ केसन ते गहि केसव; भूप मनो बदलो वहु लीनो ॥१५३२॥ ਚਿੰਤ ਕਰੀ ਚਿਤ ਮੈ ਤਿਹ ਭੂਪਤਿ; ਜੋ ਇਹ ਕਉ ਅਬ ਹਉ ਬਧ ਕੈ ਹਉ ॥ चिंत करी चित मै तिह भूपति; जो इह कउ अब हउ बध कै हउ ॥ ਸੈਨ ਸਭੈ ਭਜ ਹੈ ਜਬ ਹੀ; ਤਬ ਕਾ ਸੰਗ ਜਾਇ ਕੈ ਜੁਧੁ ਮਚੈ ਹਉ? ॥ सैन सभै भज है जब ही; तब का संग जाइ कै जुधु मचै हउ? ॥ ਹਉ ਕਿਹ ਪੈ ਕਰਿ ਹੋ ਬਹੁ ਘਾਇਨ? ਕਾ ਕੇ ਹਉ ਘਾਇਨ ਸਨਮੁਖ ਖੈ ਹਉ? ॥ हउ किह पै करि हो बहु घाइन? का के हउ घाइन सनमुख खै हउ? ॥ ਛਾਡਿ ਦਯੋ, ਕਹਿਓ ਜਾਹੁ ਚਲੇ ਹਰਿ ! ਤੋ ਸਮ ਸੂਰ ਕਹੂੰ ਨਹੀ ਪੈ ਹਉ ॥੧੫੩੩॥ छाडि दयो, कहिओ जाहु चले हरि ! तो सम सूर कहूं नही पै हउ ॥१५३३॥ ਪਉਰਖ ਜੈਸੋ ਬਡੋ ਕੀਯੋ ਭੂਪ; ਨ ਆਗੈ ਕਿਸੀ ਨ੍ਰਿਪ ਐਸੋ ਕੀਯੋ ॥ पउरख जैसो बडो कीयो भूप; न आगै किसी न्रिप ऐसो कीयो ॥ ਭਟ ਪੇਖਿ ਕੈ ਭਾਜਿ ਗਏ ਸਿਗਰੇ; ਕਿਨਹੂੰ ਧਨੁ ਬਾਨ ਨ ਪਾਨਿ ਲੀਓ ॥ भट पेखि कै भाजि गए सिगरे; किनहूं धनु बान न पानि लीओ ॥ ਹਥਿਯਾਰ ਉਤਾਰ ਚਲੇ ਬਿਸੰਭਾਰਿ; ਰਥੀ ਰਥ ਟਾਰਿ ਡਰਾਤ ਹੀਓ ॥ हथियार उतार चले बिस्मभारि; रथी रथ टारि डरात हीओ ॥ ਰਨ ਮੈ ਖੜਗੇਸ ਬਲੀ ਬਲੁ ਕੈ; ਅਪੁਨੋ ਕਰ ਕੈ ਹਰਿ ਛਾਡਿ ਦੀਯੋ ॥੧੫੩੪॥ रन मै खड़गेस बली बलु कै; अपुनो कर कै हरि छाडि दीयो ॥१५३४॥ ਚੌਪਈ ॥ चौपई ॥ ਛਾਡਿ ਕੇਸ ਤੇ ਜਬ ਹਰਿ ਦਯੋ ॥ छाडि केस ते जब हरि दयो ॥ ਲਜਤ ਭਯੋ ਬਿਸਰਿ ਬਲੁ ਗਯੋ ॥ लजत भयो बिसरि बलु गयो ॥ ਤਬ ਬ੍ਰਹਮਾ ਪ੍ਰਤਛ ਹੁਇ ਆਯੋ ॥ तब ब्रहमा प्रतछ हुइ आयो ॥ ਕ੍ਰਿਸਨ ਤਾਪ ਤਿਨਿ ਸਕਲ ਮਿਟਾਯੋ ॥੧੫੩੫॥ क्रिसन ताप तिनि सकल मिटायो ॥१५३५॥ ਕਹੇ ਕ੍ਰਿਸਨ ਸਿਉ ਇਹ ਬਿਧਿ ਬੈਨਾ ॥ कहे क्रिसन सिउ इह बिधि बैना ॥ ਲਾਜ ਕਰੋ ਨਹਿ, ਪੰਕਜ ਨੈਨਾ ! ॥ लाज करो नहि, पंकज नैना ! ॥ ਇਹ ਪਉਰਖ ਹਉ ਤੋਹਿ ਸੁਨਾਊ ॥ इह पउरख हउ तोहि सुनाऊ ॥ ਤਿਹ ਤੇ ਤੋ ਕਹੁ ਅਬਹਿ ਰਿਝਾਊ ॥੧੫੩੬॥ तिह ते तो कहु अबहि रिझाऊ ॥१५३६॥ ਬ੍ਰਹਮਾ ਬਾਚ ॥ ब्रहमा बाच ॥ ਤੋਟਕ ਛੰਦ ॥ तोटक छंद ॥ ਜਬ ਹੀ ਇਹ ਭੂਪਤਿ ਜਨਮ ਲੀਓ ॥ जब ही इह भूपति जनम लीओ ॥ ਤਜਿ ਧਾਮ ਤਬੈ ਬਨਿਬਾਸੁ ਕੀਓ ॥ तजि धाम तबै बनिबासु कीओ ॥ ਤਪਸਾ ਕਰਿ ਕੈ ਜਗ ਮਾਤ ਰਿਝਾਯੋ ॥ तपसा करि कै जग मात रिझायो ॥ ਤਹ ਤੇ ਅਰਿ ਜੀਤਨ ਕੋ ਬਰੁ ਪਾਯੋ ॥੧੫੩੭॥ तह ते अरि जीतन को बरु पायो ॥१५३७॥ ਚੌਪਈ ॥ चौपई ॥ ਇਹ ਕੇ ਬਧ ਕੋ ਏਕੁ ਉਪਾਈ ॥ इह के बध को एकु उपाई ॥ ਸੋ ਪ੍ਰਭ ! ਤੋ ਕਹਿ ਕਹਤ ਸੁਨਾਈ ॥ सो प्रभ ! तो कहि कहत सुनाई ॥ ਬਿਸਨ ਆਇ ਜੋ ਯਾ ਸੰਗਿ ਲਰੈ ॥ बिसन आइ जो या संगि लरै ॥ ਤਾਹਿ ਭਜਾਵੈ ਬਿਲਮੁ ਨ ਕਰੈ ॥੧੫੩੮॥ ताहि भजावै बिलमु न करै ॥१५३८॥ ਇੰਦ੍ਰ ਦ੍ਵਾਦਸ ਭਾਨ ਬੁਲਾਵਹੁ ॥ इंद्र द्वादस भान बुलावहु ॥ ਰੁਦ੍ਰ ਗਿਆਰਹ ਮਿਲ ਕਰਿ ਧਾਵਹੁ ॥ रुद्र गिआरह मिल करि धावहु ॥ ਸੋਮ ਸੁ ਜਮ ਆਠੋ ਬਸ ਜੋਧੇ ॥ सोम सु जम आठो बस जोधे ॥ ਐਸੀ ਬਿਧਿ ਬਿਧਿ ਹਰਹਿੰ ਪ੍ਰਬੋਧੇ ॥੧੫੩੯॥ ऐसी बिधि बिधि हरहिं प्रबोधे ॥१५३९॥ ਸੋਰਠਾ ॥ सोरठा ॥ ਏ ਸਭ ਸੁਭਟ ਬੁਲਾਇ; ਜੁਧ ਕਾਜ ਰਨਿ ਪ੍ਰਗਟਹੀ ॥ ए सभ सुभट बुलाइ; जुध काज रनि प्रगटही ॥ ਆਪੁਨੇ ਦਲਹਿਂ ਜਗਾਇ; ਕਹੋ ਜੂਝ ਏਊ ਕਰਹਿਂ ॥੧੫੪੦॥ आपुने दलहिं जगाइ; कहो जूझ एऊ करहिं ॥१५४०॥ |
|
|
|
|
Dasam Granth |