ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 246 ਅਥ ਬਲਭਦ੍ਰ ਜਨਮ ॥ अथ बलभद्र जनम ॥ ਸਵੈਯਾ ॥ सवैया ॥ ਜੋ ਬਲਭਦ੍ਰ ਭਯੋ ਗਰਭਾਤਰ; ਤੌ ਦੁਹੰ ਬੈਠਿ ਕੈ ਮੰਤ੍ਰ ਕਰਿਓ ਹੈ ॥ जो बलभद्र भयो गरभातर; तौ दुहं बैठि कै मंत्र करिओ है ॥ ਤਾ ਹੀ ਤੇ ਮੰਤ੍ਰ ਕੇ ਜੋਰ ਸੋ ਕਾਢਿ ਕੈ; ਰੋਹਿਨੀ ਕੇ ਉਰ ਬੀਚ ਧਰਿਓ ਹੈ ॥ ता ही ते मंत्र के जोर सो काढि कै; रोहिनी के उर बीच धरिओ है ॥ ਕੰਸ ਕਦਾਚ ਹਨੇ ਸਿਸੁ ਕੋ; ਤਿਹ ਤੇ ਮਨ ਮੈ ਬਸੁਦੇਵ ਡਰਿਓ ਹੈ ॥ कंस कदाच हने सिसु को; तिह ते मन मै बसुदेव डरिओ है ॥ ਸੇਖ ਮਨੋ ਜਗ ਦੇਖਨ ਕੋ; ਜਗ ਭੀਤਰ ਰੂਪ ਨਵੀਨ ਕਰਿਓ ਹੈ ॥੫੫॥ सेख मनो जग देखन को; जग भीतर रूप नवीन करिओ है ॥५५॥ ਦੋਹਰਾ ॥ दोहरा ॥ ਕ੍ਰਿਸਨ ਕ੍ਰਿਸਨ ਕਰਿ ਸਾਧ ਦੋ; ਬਿਸਨੁ ਕਿਸਨ ਪਤਿ ਜਾਸੁ ॥ क्रिसन क्रिसन करि साध दो; बिसनु किसन पति जासु ॥ ਕ੍ਰਿਸਨ ਬਿਸ੍ਵ ਤਰਬੇ ਨਿਮਿਤ; ਤਨ ਮੈ ਕਰਿਯੋ ਪ੍ਰਕਾਸ ॥੫੬॥ क्रिसन बिस्व तरबे निमित; तन मै करियो प्रकास ॥५६॥ ਅਥ ਕ੍ਰਿਸਨ ਜਨਮ ॥ अथ क्रिसन जनम ॥ ਸਵੈਯਾ ॥ सवैया ॥ ਸੰਖ ਗਦਾ ਕਰਿ ਅਉਰ ਤ੍ਰਿਸੂਲ; ਧਰੇ ਤਨਿ ਕਉਚ ਬਡੇ ਬਡਭਾਗੀ ॥ संख गदा करि अउर त्रिसूल; धरे तनि कउच बडे बडभागी ॥ ਨੰਦ ਗਹੈ ਕਰਿ ਸਾਰੰਗ ਸਾਰੰਗ; ਪੀਤ ਧਰੈ ਪਟ ਪੈ ਅਨੁਰਾਗੀ ॥ नंद गहै करि सारंग सारंग; पीत धरै पट पै अनुरागी ॥ ਸੋਈ ਹੁਤੀ ਜਨਮਿਉ ਇਹ ਕੇ ਗ੍ਰਿਹ; ਕੈ ਡਰਪੈ ਮਨ ਮੈ ਉਠਿ ਜਾਗੀ ॥ सोई हुती जनमिउ इह के ग्रिह; कै डरपै मन मै उठि जागी ॥ ਦੇਵਕੀ ਪੁਤ੍ਰ ਨ ਜਾਨਿਯੋ ਲਖਿਓ; ਹਰਿ ਕੈ ਕੈ ਪ੍ਰਨਾਮ ਸੁ ਪਾਇਨ ਲਾਗੀ ॥੫੭॥ देवकी पुत्र न जानियो लखिओ; हरि कै कै प्रनाम सु पाइन लागी ॥५७॥ ਦੋਹਰਾ ॥ दोहरा ॥ ਲਖਿਓ ਦੇਵਕੀ ਹਰਿ ਮਨੈ; ਲਖਿਓ ਨ ਕਰਿ ਕਰਿ ਤਾਤ ॥ लखिओ देवकी हरि मनै; लखिओ न करि करि तात ॥ ਲਖਿਓ ਜਾਨ ਕਰਿ ਮੋਹਿ ਕੀ; ਤਾਨੀ ਤਾਨਿ ਕਨਾਤ ॥੫੮॥ लखिओ जान करि मोहि की; तानी तानि कनात ॥५८॥ ਕ੍ਰਿਸਨ ਜਨਮ ਜਬ ਹੀ ਭਇਓ; ਦੇਵਨ ਭਇਓ ਹੁਲਾਸ ॥ क्रिसन जनम जब ही भइओ; देवन भइओ हुलास ॥ ਸਤ੍ਰ ਸਬੈ ਅਬ ਨਾਸ ਹੋਹਿੰ; ਹਮ ਕੋ ਹੋਇ ਬਿਲਾਸ ॥੫੯॥ सत्र सबै अब नास होहिं; हम को होइ बिलास ॥५९॥ ਆਨੰਦ ਸੋ ਸਬ ਦੇਵਤਨ; ਸੁਮਨ ਦੀਨ ਬਰਖਾਇ ॥ आनंद सो सब देवतन; सुमन दीन बरखाइ ॥ ਸੋਕ ਹਰਨ ਦੁਸਟਨ ਦਲਨ; ਪ੍ਰਗਟੇ ਜਗ ਮੋ ਆਇ ॥੬੦॥ सोक हरन दुसटन दलन; प्रगटे जग मो आइ ॥६०॥ ਜੈ ਜੈ ਕਾਰ ਭਯੋ ਜਬੈ; ਸੁਨੀ ਦੇਵਕੀ ਕਾਨਿ ॥ जै जै कार भयो जबै; सुनी देवकी कानि ॥ ਤ੍ਰਾਸਤਿ ਹੁਇ ਮਨ ਮੈ ਕਹਿਯੋ; ਸੋਰ ਕਰੈ ਕੋ ਆਨਿ ॥੬੧॥ त्रासति हुइ मन मै कहियो; सोर करै को आनि ॥६१॥ ਬਾਸੁਦੇਵ ਅਰੁ ਦੇਵਕੀ; ਮੰਤ੍ਰ ਕਰੈ ਮਨ ਮਾਹਿ ॥ बासुदेव अरु देवकी; मंत्र करै मन माहि ॥ ਕੰਸ ਕਸਾਈ ਜਾਨ ਕੈ; ਹੀਐ ਅਧਿਕ ਡਰਪਾਹਿ ॥੬੨॥ कंस कसाई जान कै; हीऐ अधिक डरपाहि ॥६२॥ ਇਤਿ ਕ੍ਰਿਸਨ ਜਨਮ ਬਰਨਨੰ ਸਮਾਪਤੰ ॥ इति क्रिसन जनम बरननं समापतं ॥ ਸਵੈਯਾ ॥ सवैया ॥ ਮੰਤ੍ਰ ਬਿਚਾਰ ਕਰਿਓ ਦੁਹਹੂੰ ਮਿਲਿ; ਮਾਰਿ ਡਰੈ ਇਹ ਕੋ ਮਤਿ ਰਾਜਾ ॥ मंत्र बिचार करिओ दुहहूं मिलि; मारि डरै इह को मति राजा ॥ ਨੰਦਹਿ ਕੇ ਘਰਿ ਆਇ ਹਉ ਡਾਰਿ ਕੈ; ਠਾਟ ਇਹੀ ਮਨ ਮੈ ਤਿਨ ਸਾਜਾ ॥ नंदहि के घरि आइ हउ डारि कै; ठाट इही मन मै तिन साजा ॥ ਕਾਨ੍ਹ ਕਹਿਓ ਮਨ ਮੈ ਨ ਡਰੋ; ਤੁਮ ਜਾਹੁ ਨਿਸੰਕ ਬਜਾਵਤ ਬਾਜਾ ॥ कान्ह कहिओ मन मै न डरो; तुम जाहु निसंक बजावत बाजा ॥ ਮਾਯਾ ਕੀ ਖੈਂਚਿ ਕਨਾਤ ਲਈ; ਧਰ ਬਾਲਕ ਸਊਰਭ ਆਪਿ ਬਿਰਾਜਾ ॥੬੩॥ माया की खैंचि कनात लई; धर बालक सऊरभ आपि बिराजा ॥६३॥ ਦੋਹਰਾ ॥ दोहरा ॥ ਕ੍ਰਿਸਨ ਜਬੈ ਤਿਨ ਗ੍ਰਿਹਿ ਭਯੋ; ਬਾਸੁਦੇਵ ਇਹ ਕੀਨ ॥ क्रिसन जबै तिन ग्रिहि भयो; बासुदेव इह कीन ॥ ਦਸ ਹਜਾਰ ਗਾਈ ਭਲੀ; ਮਨੈ ਮਨਸਿ ਕਰਿ ਦੀਨ ॥੬੪॥ दस हजार गाई भली; मनै मनसि करि दीन ॥६४॥ ਸਵੈਯਾ ॥ सवैया ॥ ਛੂਟਿ ਕਿਵਾਰ ਗਏ ਘਰਿ ਕੇ; ਦਰਿ ਕੇ ਨ੍ਰਿਪ ਕੇ ਬਰ ਕੇ ਚਲਤੇ ॥ छूटि किवार गए घरि के; दरि के न्रिप के बर के चलते ॥ ਹਰਖੇ ਸਰਖੇ ਬਸੁਦੇਵਹਿ ਕੇ; ਪਗ ਜਾਇ ਛੁਹਿਓ ਜਮਨਾ ਜਲ ਤੇ ॥ हरखे सरखे बसुदेवहि के; पग जाइ छुहिओ जमना जल ते ॥ ਹਰਿ ਦੇਖਨ ਕੌ ਹਰਿ ਅਉ ਬਢ ਕੇ; ਹਰਿ ਦਉਰ ਗਏ ਤਨ ਕੇ ਬਲ ਤੇ ॥ हरि देखन कौ हरि अउ बढ के; हरि दउर गए तन के बल ते ॥ ਕਾਜ ਇਹੀ ਕਹਿ ਦੋਊ ਗਏ; ਜੁ ਖਿਝੈ ਬਹੁ ਪਾਪਨ ਕੀ ਮਲ ਤੇ ॥੬੫॥ काज इही कहि दोऊ गए; जु खिझै बहु पापन की मल ते ॥६५॥ |
|
|
|
|
Dasam Granth |