ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 229 ਜੀਯੋ ਬ੍ਰਹਮ ਪੁਤ੍ਰੰ ਹਰਯੋ ਬ੍ਰਹਮ ਸੋਗੰ ॥ जीयो ब्रहम पुत्रं हरयो ब्रहम सोगं ॥ ਬਢੀ ਕੀਰਤ ਰਾਮੰ ਚਤੁਰ ਕੁੰਟ ਮੱਧੰ ॥ बढी कीरत रामं चतुर कुंट मद्धं ॥ ਕਰਯੋ ਦਸ ਸਹੰਸ੍ਰ ਲਉ ਰਾਜ ਅਉਧੰ ॥ करयो दस सहंस्र लउ राज अउधं ॥ ਫਿਰੀ ਚਕ੍ਰ ਚਾਰੋ ਬਿਖੈ ਰਾਮ ਦੋਹੀ ॥੭੦੧॥ फिरी चक्र चारो बिखै राम दोही ॥७०१॥ ਜਿਣੇ ਦੇਸ ਦੇਸੰ ਨਰੇਸੰ ਤ ਰਾਮੰ ॥ जिणे देस देसं नरेसं त रामं ॥ ਮਹਾਂ ਜੁੱਧ ਜੇਤਾ ਤਿਹੂੰ ਲੋਕ ਜਾਨਯੋ ॥ महां जुद्ध जेता तिहूं लोक जानयो ॥ ਦਯੋ ਮੰਤ੍ਰੀ ਅੱਤ੍ਰੰ ਮਹਾਭ੍ਰਾਤ ਭਰਥੰ ॥ दयो मंत्री अत्रं महाभ्रात भरथं ॥ ਕੀਯੋ ਸੈਨ ਨਾਥੰ ਸੁਮਿਤ੍ਰਾ ਕੁਮਾਰੰ ॥੭੦੨॥ कीयो सैन नाथं सुमित्रा कुमारं ॥७०२॥ ਮ੍ਰਿਤਗਤ ਛੰਦ ॥ म्रितगत छंद ॥ ਸੁਮਤਿ ਮਹਾ ਰਿਖ ਰਘੁਬਰ ॥ सुमति महा रिख रघुबर ॥ ਦੁੰਦਭ ਬਾਜਤਿ ਦਰ ਦਰ ॥ दुंदभ बाजति दर दर ॥ ਜਗ ਕੀਅਸ ਧੁਨ ਘਰ ਘਰ ॥ जग कीअस धुन घर घर ॥ ਪੂਰ ਰਹੀ ਧੁਨ ਸੁਰਪੁਰ ॥੭੦੩॥ पूर रही धुन सुरपुर ॥७०३॥ ਸੁਢਰ ਮਹਾ ਰਘੁਨੰਦਨ ॥ सुढर महा रघुनंदन ॥ ਜਗਪਤ ਮੁਨ ਗਨ ਬੰਦਨ ॥ जगपत मुन गन बंदन ॥ ਧਰਧਰ ਲੌ ਨਰ ਚੀਨੇ ॥ धरधर लौ नर चीने ॥ ਸੁਖ ਦੈ ਦੁਖ ਬਿਨ ਕੀਨੇ ॥੭੦੪॥ सुख दै दुख बिन कीने ॥७०४॥ ਅਰ ਹਰ ਨਰ ਕਰ ਜਾਨੇ ॥ अर हर नर कर जाने ॥ ਦੁਖ ਹਰ ਸੁਖ ਕਰ ਮਾਨੇ ॥ दुख हर सुख कर माने ॥ ਪੁਰ ਧਰ ਨਰ ਬਰਸੇ ਹੈ ॥ पुर धर नर बरसे है ॥ ਰੂਪ ਅਨੂਪ ਅਭੈ ਹੈ ॥੭੦੫॥ रूप अनूप अभै है ॥७०५॥ ਅਨਕਾ ਛੰਦ ॥ अनका छंद ॥ ਪ੍ਰਭੂ ਹੈ ॥ प्रभू है ॥ ਅਜੂ ਹੈ ॥ अजू है ॥ ਅਜੈ ਹੈ ॥ अजै है ॥ ਅਭੈ ਹੈ ॥੭੦੬॥ अभै है ॥७०६॥ ਅਜਾ ਹੈ ॥ अजा है ॥ ਅਤਾ ਹੈ ॥ अता है ॥ ਅਲੈ ਹੈ ॥ अलै है ॥ ਅਜੈ ਹੈ ॥੭੦੭॥ अजै है ॥७०७॥ ਭੁਜੰਗ ਪ੍ਰਯਾਤ ਛੰਦ ॥ भुजंग प्रयात छंद ॥ ਬੁਲਯੋ ਚਤ੍ਰ ਭ੍ਰਾਤੰ ਸੁਮਿਤ੍ਰਾ ਕੁਮਾਰੰ ॥ बुलयो चत्र भ्रातं सुमित्रा कुमारं ॥ ਕਰਯੋ ਮਾਥੁਰੇਸੰ ਤਿਸੇ ਰਾਵਣਾਰੰ ॥ करयो माथुरेसं तिसे रावणारं ॥ ਤਹਾਂ ਏਕ ਦਈਤੰ ਲਵੰ ਉਗ੍ਰ ਤੇਜੰ ॥ तहां एक दईतं लवं उग्र तेजं ॥ ਦਯੋ ਤਾਹਿ ਅੱਪੰ ਸਿਵੰ ਸੂਲ ਭੇਜੰ ॥੭੦੮॥ दयो ताहि अप्पं सिवं सूल भेजं ॥७०८॥ ਪਠਯੋ ਤੀਰ ਮੰਤ੍ਰੰ ਦੀਯੋ ਏਕ ਰਾਮੰ ॥ पठयो तीर मंत्रं दीयो एक रामं ॥ ਮਹਾਂ ਜੁੱਧ ਮਾਲੀ ਮਹਾਂ ਧਰਮ ਧਾਮੰ ॥ महां जुद्ध माली महां धरम धामं ॥ ਸਿਵੰ ਸੂਲ ਹੀਣੰ ਜਵੈ ਸੱਤ੍ਰ ਜਾਨਯੋ ॥ सिवं सूल हीणं जवै सत्र जानयो ॥ ਤਬੈ ਸੰਗਿ ਤਾ ਕੈ ਮਹਾਂ ਜੁੱਧ ਠਾਨਯੋ ॥੭੦੯॥ तबै संगि ता कै महां जुद्ध ठानयो ॥७०९॥ ਲਯੋ ਮੰਤ੍ਰ ਤੀਰੰ ਚਲਯੋ ਨਿਆਇ ਸੀਸੰ ॥ लयो मंत्र तीरं चलयो निआइ सीसं ॥ ਤ੍ਰਿਪੁਰ ਜੁੱਧ ਜੇਤਾ ਚਲਯੋ ਜਾਣ ਈਸੰ ॥ त्रिपुर जुद्ध जेता चलयो जाण ईसं ॥ ਲਖਯੋ ਸੂਲ ਹੀਣੰ ਰਿਪੰ ਜਉਣ ਕਾਲੰ ॥ लखयो सूल हीणं रिपं जउण कालं ॥ ਤਬੈ ਕੋਪ ਮੰਡਯੋ ਰਣੰ ਬਿਕਰਾਲੰ ॥੭੧੦॥ तबै कोप मंडयो रणं बिकरालं ॥७१०॥ ਭਜੈ ਘਾਇ ਖਾਯੰ ਅਗਾਯੰਤ ਸੂਰੰ ॥ भजै घाइ खायं अगायंत सूरं ॥ ਹਸੇ ਕੰਕ ਬੰਕੰ ਘੁਮੀ ਗੈਣ ਹੂਰੰ ॥ हसे कंक बंकं घुमी गैण हूरं ॥ ਉਠੇ ਟੋਪ ਟੁੱਕੰ ਕਮਾਣੰ ਪ੍ਰਹਾਰੇ ॥ उठे टोप टुक्कं कमाणं प्रहारे ॥ ਰਣੰ ਰੋਸ ਰੱਜੇ ਮਹਾਂ ਛੱਤ੍ਰ ਧਾਰੇ ॥੭੧੧॥ रणं रोस रज्जे महां छत्र धारे ॥७११॥ ਫਿਰਯੋ ਅਪ ਦਈਤੰ ਮਹਾ ਰੋਸ ਕੈ ਕੈ ॥ फिरयो अप दईतं महा रोस कै कै ॥ ਹਣੇ ਰਾਮ ਭ੍ਰਾਤੰ ਵਹੈ ਬਾਣ ਲੈ ਕੈ ॥ हणे राम भ्रातं वहै बाण लै कै ॥ ਰਿਪੰ ਨਾਸ ਹੇਤੰ ਦੀਯੋ ਰਾਮ ਅੱਪੰ ॥ रिपं नास हेतं दीयो राम अप्पं ॥ ਹਣਿਯੋ ਤਾਹਿ ਸੀਸੰ ਦ੍ਰੁਗਾ ਜਾਪ ਜੱਪੰ ॥੭੧੨॥ हणियो ताहि सीसं द्रुगा जाप जप्पं ॥७१२॥ ਗਿਰਯੋ ਝੂਮ ਭੂਮੰ ਅਘੂਮਯੋ ਅਰਿ ਘਾਯੰ ॥ गिरयो झूम भूमं अघूमयो अरि घायं ॥ ਹਣਯੋ ਸਤ੍ਰ ਹੰਤਾ ਤਿਸੈ ਚਉਪ ਚਾਯੰ ॥ हणयो सत्र हंता तिसै चउप चायं ॥ ਗਣੰ ਦੇਵ ਹਰਖੇ ਪ੍ਰਬਰਖੰਤ ਫੂਲੰ ॥ गणं देव हरखे प्रबरखंत फूलं ॥ ਹਤਯੋ ਦੈਤ ਦ੍ਰੋਹੀ ਮਿਟਯੋ ਸਰਬ ਸੂਲੰ ॥੭੧੩॥ हतयो दैत द्रोही मिटयो सरब सूलं ॥७१३॥ ਲਵੰ ਨਾਸੁਰੈਯੰ ਲਵੰ ਕੀਨ ਨਾਸੰ ॥ लवं नासुरैयं लवं कीन नासं ॥ ਸਭੈ ਸੰਤ ਹਰਖੇ ਰਿਪੰ ਭੇ ਉਦਾਸੰ ॥ सभै संत हरखे रिपं भे उदासं ॥ ਭਜੈ ਪ੍ਰਾਨ ਲੈ ਲੈ ਤਜਯੋ ਨਗਰ ਬਾਸੰ ॥ भजै प्रान लै लै तजयो नगर बासं ॥ ਕਰਯੋ ਮਾਥੁਰੇਸੰ ਪੁਰੀਵਾ ਨਵਾਸੰ ॥੭੧੪॥ करयो माथुरेसं पुरीवा नवासं ॥७१४॥ ਭਯੋ ਮਾਥੁਰੇਸੰ ਲਵੰਨਾਸ੍ਰ ਹੰਤਾ ॥ भयो माथुरेसं लवंनास्र हंता ॥ ਸਭੈ ਸਸਤ੍ਰ ਗਾਮੀ ਸੁਭੰ ਸਸਤ੍ਰ ਗੰਤਾ ॥ सभै ससत्र गामी सुभं ससत्र गंता ॥ ਭਏ ਦੁਸਟ ਦੂਰੰ ਕਰੂਰੰ ਸੁ ਠਾਮੰ ॥ भए दुसट दूरं करूरं सु ठामं ॥ ਕਰਯੋ ਰਾਜ ਤੈਸੋ ਜਿਮੰ ਅਉਧ ਰਾਮੰ ॥੭੧੫॥ करयो राज तैसो जिमं अउध रामं ॥७१५॥ ਕਰਿਯੋ ਦੁਸਟ ਨਾਸੰ ਪਪਾਤੰਤ ਸੂਰੰ ॥ करियो दुसट नासं पपातंत सूरं ॥ ਉਠੀ ਜੈ ਧੁਨੰ ਪੁਰ ਰਹੀ ਲੋਗ ਪੂਰੰ ॥ उठी जै धुनं पुर रही लोग पूरं ॥ ਗਈ ਪਾਰ ਸਿੰਧੰ ਸੁ ਬਿੰਧੰ ਪ੍ਰਹਾਰੰ ॥ गई पार सिंधं सु बिंधं प्रहारं ॥ ਸੁਨਿਯੋ ਚੱਕ੍ਰ ਚਾਰੰ ਲਵੰ ਲਾਵਣਾਰੰ ॥੭੧੬॥ सुनियो चक्क्र चारं लवं लावणारं ॥७१६॥ |
|
|
|
|
Dasam Granth |