ਦਸਮ ਗਰੰਥ । दसम ग्रंथ ।

Page 203

ਲਘੁ ਬੀਰ ਉਠਾਇ ਸੁ ਅੰਕ ਭਰੇ ॥

लघु बीर उठाइ सु अंक भरे ॥

ਮੁਖ ਪੋਛ ਤਬੈ ਬਚਨਾ ਉਚਰੇ ॥

मुख पोछ तबै बचना उचरे ॥

ਕਸ ਅਧੀਰ ਪਰੇ ਪ੍ਰਭ ਧੀਰ ਧਰੋ ॥

कस अधीर परे प्रभ धीर धरो ॥

ਸੀਅ ਜਾਇ ਕਹਾ? ਤਿਹ ਸੋਧ ਕਰੋ ॥੩੫੭॥

सीअ जाइ कहा? तिह सोध करो ॥३५७॥

ਉਠ ਠਾਂਢਿ ਭਏ ਫਿਰਿ ਭੂਮ ਗਿਰੇ ॥

उठ ठांढि भए फिरि भूम गिरे ॥

ਪਹਰੇਕਕ ਲਉ ਫਿਰ ਪ੍ਰਾਨ ਫਿਰੇ ॥

पहरेकक लउ फिर प्रान फिरे ॥

ਤਨ ਚੇਤ ਸੁਚੇਤ ਉਠੇ ਹਰਿ ਯੌਂ ॥

तन चेत सुचेत उठे हरि यौं ॥

ਰਣ ਮੰਡਲ ਮੱਧਿ ਗਿਰਯੋ ਭਟ ਜਯੋਂ ॥੩੫੮॥

रण मंडल मद्धि गिरयो भट जयों ॥३५८॥

ਛਹੂੰ ਓਰ ਪੁਕਾਰ ਬਕਾਰ ਥਕੇ ॥

छहूं ओर पुकार बकार थके ॥

ਲਘੁ ਭ੍ਰਾਤ ਬਹੁ ਭਾਂਤਿ ਝਥੇ ॥

लघु भ्रात बहु भांति झथे ॥

ਉਠ ਕੈ ਪੁਨ ਪ੍ਰਾਤ ਇਸਨਾਨ ਗਏ ॥

उठ कै पुन प्रात इसनान गए ॥

ਜਲ ਜੰਤ ਸਭੈ ਜਰਿ ਛਾਰਿ ਭਏ ॥੩੫੯॥

जल जंत सभै जरि छारि भए ॥३५९॥

ਬਿਰਹੀ ਜਿਹ ਓਰ ਸੁ ਦਿਸਟ ਧਰੈ ॥

बिरही जिह ओर सु दिसट धरै ॥

ਫਲ ਫੂਲ ਪਲਾਸ ਅਕਾਸ ਜਰੈ ॥

फल फूल पलास अकास जरै ॥

ਕਰ ਸੌ ਧਰ ਜਉਨ ਛੁਅੰਤ ਭਈ ॥

कर सौ धर जउन छुअंत भई ॥

ਕਚ ਬਾਸਨ ਜਯੋਂ ਪਕ ਫੂਟ ਗਈ ॥੩੬੦॥

कच बासन जयों पक फूट गई ॥३६०॥

ਜਿਹ ਭੂਮ ਥਲੀ ਪਰ ਰਾਮ ਫਿਰੇ ॥

जिह भूम थली पर राम फिरे ॥

ਦਵ ਜਯੋਂ ਜਲ ਪਾਤ ਪਲਾਸ ਗਿਰੇ ॥

दव जयों जल पात पलास गिरे ॥

ਟੁਟ ਆਸੂ ਆਰਣ ਨੈਨ ਝਰੀ ॥

टुट आसू आरण नैन झरी ॥

ਮਨੋ ਤਾਤ ਤਵਾ ਪਰ ਬੂੰਦ ਪਰੀ ॥੩੬੧॥

मनो तात तवा पर बूंद परी ॥३६१॥

ਤਨ ਰਾਘਵ ਭੇਟ ਸਮੀਰ ਜਰੀ ॥

तन राघव भेट समीर जरी ॥

ਤਜ ਧੀਰ ਸਰੋਵਰ ਸਾਂਝ ਦੁਰੀ ॥

तज धीर सरोवर सांझ दुरी ॥

ਨਹਿ ਤੱਤ੍ਰ ਥਲੀ ਸਤ ਪੱਤ੍ਰ ਰਹੇ ॥

नहि तत्र थली सत पत्र रहे ॥

ਜਲ ਜੰਤ ਪਰਤ੍ਰਿਨ ਪਤ੍ਰ ਦਹੇ ॥੩੬੨॥

जल जंत परत्रिन पत्र दहे ॥३६२॥

ਇਤ ਢੂੰਢ ਬਨੇ ਰਘੁਨਾਥ ਫਿਰੇ ॥

इत ढूंढ बने रघुनाथ फिरे ॥

ਉਤ ਰਾਵਨ ਆਨ ਜਟਾਯੁ ਘਿਰੇ ॥

उत रावन आन जटायु घिरे ॥

ਰਣ ਛੋਰ ਹਠੀ ਪਗ ਦੁਐ ਨ ਭਜਯੋ ॥

रण छोर हठी पग दुऐ न भजयो ॥

ਉਡ ਪੱਛ ਗਏ, ਪੈ ਨ ਪੱਛ ਤਜਯੋ ॥੩੬੩॥

उड पच्छ गए, पै न पच्छ तजयो ॥३६३॥

ਗੀਤਾ ਮਾਲਤੀ ਛੰਦ ॥

गीता मालती छंद ॥

ਪਛਰਾਜ ! ਰਾਵਨ ਮਾਰਿ ਕੈ; ਰਘੁਰਾਜ ਸੀਤਹਿ ਲੈ ਗਯੋ ॥

पछराज ! रावन मारि कै; रघुराज सीतहि लै गयो ॥

ਨਭਿ ਓਰ ਖੋਰ ਨਿਹਾਰ ਕੈ; ਸੁ ਜਟਾਉ ਸੀਅ ਸੰਦੇਸ ਦਯੋ ॥

नभि ओर खोर निहार कै; सु जटाउ सीअ संदेस दयो ॥

ਤਬ ਜਾਨ ਰਾਮ ਗਏ ਬਲੀ; ਸੀਅ ਸੱਤ ਰਾਵਨ ਹੀ ਹਰੀ ॥

तब जान राम गए बली; सीअ सत्त रावन ही हरी ॥

ਹਨਵੰਤ ਮਾਰਗ ਮੋ ਮਿਲੇ; ਤਬ ਮਿੱਤ੍ਰਤਾ ਤਾ ਸੋਂ ਕਰੀ ॥੩੬੪॥

हनवंत मारग मो मिले; तब मित्रता ता सों करी ॥३६४॥

ਤਿਨ ਆਨ ਸ੍ਰੀ ਰਘੁਰਾਜ ਕੇ; ਕਪਿਰਾਜ ਪਾਇਨ ਡਾਰਯੋ ॥

तिन आन स्री रघुराज के; कपिराज पाइन डारयो ॥

ਤਿਨ ਬੈਠ ਗੈਠ ਇਕੈਠ ਹ੍ਵੈ; ਇਹ ਭਾਂਤਿ ਮੰਤ੍ਰ ਬਿਚਾਰਯੋ ॥

तिन बैठ गैठ इकैठ ह्वै; इह भांति मंत्र बिचारयो ॥

ਕਪਿ ਬੀਰ ਧੀਰ ਸਧੀਰ ਕੇ; ਭਟ ਮੰਤ੍ਰ ਬੀਰ ਬਿਚਾਰ ਕੈ ॥

कपि बीर धीर सधीर के; भट मंत्र बीर बिचार कै ॥

ਅਪਨਾਇ ਸੁਗ੍ਰਿਵ ਕਉ ਚਲੁ; ਕਪਿਰਾਜ ਬਾਲ ਸੰਘਾਰ ਕੈ ॥੩੬੫॥

अपनाइ सुग्रिव कउ चलु; कपिराज बाल संघार कै ॥३६५॥

ਇਤਿ ਸ੍ਰੀ ਬਚਿਤ੍ਰ ਨਾਟਕ ਗ੍ਰੰਥੇ ਬਾਲ ਬਧਹ ਧਿਆਇ ਸਮਾਪਤਮ ॥੮॥

इति स्री बचित्र नाटक ग्रंथे बाल बधह धिआइ समापतम ॥८॥


ਅਥ ਹਨੂਮਾਨ ਸੋਧ ਕੋ ਪਠੈਬੋ ॥

अथ हनूमान सोध को पठैबो ॥

ਗੀਤਾ ਮਾਲਤੀ ਛੰਦ ॥

गीता मालती छंद ॥

ਦਲ ਬਾਂਟ ਚਾਰ ਦਿਸਾ ਪਠਯੋ; ਹਨਵੰਤ ਲੰਕ ਪਠੈ ਦਏ ॥

दल बांट चार दिसा पठयो; हनवंत लंक पठै दए ॥

ਲੈ ਮੁਦ੍ਰਕਾ ਲਖ ਬਾਰਿਧੈ; ਜਹੱ ਸੀ ਹੁਤੀ ਤਹ ਜਾਤ ਭੇ ॥

लै मुद्रका लख बारिधै; जह सी हुती तह जात भे ॥

ਪੁਰ ਜਾਰਿ ਅੱਛ ਕੁਮਾਰ ਛੈ; ਬਨ ਟਾਰਿ ਕੈ ਫਿਰ ਆਇਯੋ ॥

पुर जारि अच्छ कुमार छै; बन टारि कै फिर आइयो ॥

ਕ੍ਰਿਤ ਚਾਰ ਜੋ ਅਮਰਾਰਿ ਕੋ; ਸਭ ਰਾਮ ਤੀਰ ਜਤਾਇਯੋ ॥੩੬੬॥

क्रित चार जो अमरारि को; सभ राम तीर जताइयो ॥३६६॥

TOP OF PAGE

Dasam Granth