ਦਸਮ ਗਰੰਥ । दसम ग्रंथ ।

Page 168

ਦੋਹਰਾ ॥

दोहरा ॥

ਜਲੰਧੁਰ ਬਾਚ ॥

जलंधुर बाच ॥

ਕੈ ਸਿਵ ! ਨਾਰਿ ਸੀਗਾਰ ਕੈ; ਮਮ ਗ੍ਰਿਹ ਦੇਹ ਪਠਾਇ ॥

कै सिव ! नारि सीगार कै; मम ग्रिह देह पठाइ ॥

ਨਾਤਰ ਸੂਲ ਸੰਭਾਰ ਕੇ; ਸੰਗਿ ਲਰਹੁ ਮੁਰਿ ਆਇ ॥੪॥

नातर सूल स्मभार के; संगि लरहु मुरि आइ ॥४॥

ਚੌਪਈ ॥

चौपई ॥

ਕਥਾ ਭਈ ਇਹ ਦਿਸ ਇਹ ਭਾਤਾ ॥

कथा भई इह दिस इह भाता ॥

ਅਬ ਕਹੋ ਬਿਸਨ ਤ੍ਰੀਯਾ ਕੀ ਬਾਤਾ ॥

अब कहो बिसन त्रीया की बाता ॥

ਬ੍ਰਿੰਦਾਰਿਕ ਦਿਨ ਏਕ ਪਕਾਏ ॥

ब्रिंदारिक दिन एक पकाए ॥

ਦੈਤ ਸਭਾ ਤੇ ਬਿਸਨੁ ਬੁਲਾਏ ॥੫॥

दैत सभा ते बिसनु बुलाए ॥५॥

ਆਇ ਗਯੋ ਤਹ ਨਾਰਦ ਰਿਖਿ ਬਰ ॥

आइ गयो तह नारद रिखि बर ॥

ਬਿਸਨ ਨਾਰਿ ਕੇ ਧਾਮਿ ਛੁਧਾਤੁਰ ॥

बिसन नारि के धामि छुधातुर ॥

ਬੈਗਨ ਨਿਰਖਿ ਅਧਿਕ ਲਲਚਾਯੋ ॥

बैगन निरखि अधिक ललचायो ॥

ਮਾਂਗ ਰਹਿਯੋ; ਪਰ ਹਾਥਿ ਨ ਆਯੋ ॥੬॥

मांग रहियो; पर हाथि न आयो ॥६॥

ਨਾਥ ਹੇਤੁ ਮੈ ਭੋਜ ਪਕਾਯੋ ॥

नाथ हेतु मै भोज पकायो ॥

ਮਨੁਛ ਪਠੈ ਕਰ ਬਿਸਨੁ ਬੁਲਾਯੋ ॥

मनुछ पठै कर बिसनु बुलायो ॥

ਨਾਰਦ ! ਖਾਇ ਜੂਠ ਹੋਇ ਜੈ ਹੈ ॥

नारद ! खाइ जूठ होइ जै है ॥

ਪੀਅ ਕੋਪਿਤ ਹਮਰੇ ਪਰ ਹੁਐ ਹੈ ॥੭॥

पीअ कोपित हमरे पर हुऐ है ॥७॥

ਨਾਰਦ ਬਾਚ ॥

नारद बाच ॥

ਮਾਂਗ ਥਕਿਯੋ ਮੁਨਿ ਭੋਜ ਨ ਦੀਆ ॥

मांग थकियो मुनि भोज न दीआ ॥

ਅਧਿਕ ਰੋਸੁ ਮੁਨਿ ਬਰਿ ਤਬ ਕੀਆ ॥

अधिक रोसु मुनि बरि तब कीआ ॥

ਬ੍ਰਿੰਦਾ ਨਾਮ ਰਾਛਸੀ ਬਪੁ ਧਰਿ ॥

ब्रिंदा नाम राछसी बपु धरि ॥

ਤ੍ਰੀਆ ਹੁਐ ਬਸੋ ਜਲੰਧਰ ਕੇ ਘਰਿ ॥੮॥

त्रीआ हुऐ बसो जलंधर के घरि ॥८॥

ਦੇ ਕਰ ਸ੍ਰਾਪ ਜਾਤ ਭਯੋ ਰਿਖਿ ਬਰ ॥

दे कर स्राप जात भयो रिखि बर ॥

ਆਵਤ ਭਯੋ ਬਿਸਨ ਤਾ ਕੇ ਘਰਿ ॥

आवत भयो बिसन ता के घरि ॥

ਸੁਨਤ ਸ੍ਰਾਪ ਅਤਿ ਹੀ ਦੁਖ ਪਾਯੋ ॥

सुनत स्राप अति ही दुख पायो ॥

ਬਿਹਸ ਬਚਨ ਤ੍ਰੀਯ ਸੰਗਿ ਸੁਨਾਯੋ ॥੯॥

बिहस बचन त्रीय संगि सुनायो ॥९॥

ਦੋਹਰਾ ॥

दोहरा ॥

ਤ੍ਰੀਯ ਕੀ ਛਾਯਾ ਲੈ ਤਬੈ; ਬ੍ਰਿਦਾ ਰਚੀ ਬਨਾਇ ॥

त्रीय की छाया लै तबै; ब्रिदा रची बनाइ ॥

ਧੂਮ੍ਰਕੇਸ ਦਾਨਵ ਸਦਨਿ; ਜਨਮ ਧਰਤ ਭਈ ਜਾਇ ॥੧੦॥

धूम्रकेस दानव सदनि; जनम धरत भई जाइ ॥१०॥

ਚੌਪਈ ॥

चौपई ॥

ਜੈਸਕ ਰਹਤ ਕਮਲ ਜਲ ਭੀਤਰ ॥

जैसक रहत कमल जल भीतर ॥

ਪੁਨਿ ਨ੍ਰਿਪ ਬਸੀ ਜਲੰਧਰ ਕੇ ਘਰਿ ॥

पुनि न्रिप बसी जलंधर के घरि ॥

ਤਿਹ ਨਿਮਿਤ ਜਲੰਧਰ ਅਵਤਾਰਾ ॥

तिह निमित जलंधर अवतारा ॥

ਧਰ ਹੈ ਰੂਪ ਅਨੂਪ ਮੁਰਾਰਾ ॥੧੧॥

धर है रूप अनूप मुरारा ॥११॥

ਕਥਾ ਐਸ ਇਹ ਦਿਸ ਮੋ ਭਈ ॥

कथा ऐस इह दिस मो भई ॥

ਅਬ ਚਲਿ ਬਾਤ ਰੁਦ੍ਰ ਪਰ ਗਈ ॥

अब चलि बात रुद्र पर गई ॥

ਮਾਂਗੀ ਨਾਰਿ ਨ ਦੀਨੀ ਰੁਦ੍ਰਾ ॥

मांगी नारि न दीनी रुद्रा ॥

ਤਾ ਤੇ ਕੋਪ ਅਸੁਰ ਪਤਿ ਛੁਦ੍ਰਾ ॥੧੨॥

ता ते कोप असुर पति छुद्रा ॥१२॥

ਬਜੇ ਢੋਲ ਨਫੀਰਿ ਨਗਾਰੇ ॥

बजे ढोल नफीरि नगारे ॥

ਦੁਹੂੰ ਦਿਸਾ ਡਮਰੂ ਡਮਕਾਰੇ ॥

दुहूं दिसा डमरू डमकारे ॥

ਮਾਚਤ ਭਯੋ ਲੋਹ ਬਿਕਰਾਰਾ ॥

माचत भयो लोह बिकरारा ॥

ਝਮਕਤ ਖਗ ਅਦਗ ਅਪਾਰਾ ॥੧੩॥

झमकत खग अदग अपारा ॥१३॥

ਗਿਰਿ ਗਿਰਿ ਪਰਤ ਸੁਭਟ ਰਣ ਮਾਹੀ ॥

गिरि गिरि परत सुभट रण माही ॥

ਧੁਕ ਧੁਕ ਉਠਤ ਮਸਾਣ ਤਹਾਹੀ ॥

धुक धुक उठत मसाण तहाही ॥

ਗਜੀ ਰਥੀ ਬਾਜੀ ਪੈਦਲ ਰਣਿ ॥

गजी रथी बाजी पैदल रणि ॥

ਜੂਝਿ ਗਿਰੇ ਰਣ ਕੀ ਛਿਤਿ ਅਨਗਣ ॥੧੪॥

जूझि गिरे रण की छिति अनगण ॥१४॥

ਤੋਟਕ ਛੰਦ ॥

तोटक छंद ॥

ਬਿਰਚੇ ਰਣਬੀਰ ਸੁਧੀਰ ਕ੍ਰੁਧੰ ॥

बिरचे रणबीर सुधीर क्रुधं ॥

ਮਚਿਯੋ ਤਿਹ ਦਾਰੁਣ ਭੂਮਿ ਜੁਧੰ ॥

मचियो तिह दारुण भूमि जुधं ॥

ਹਹਰੰਤ ਹਯੰ ਗਰਜੰਤ ਗਜੰ ॥

हहरंत हयं गरजंत गजं ॥

ਸੁਣਿ ਕੈ ਧੁਨਿ ਸਾਵਣ ਮੇਘ ਲਜੰ ॥੧੫॥

सुणि कै धुनि सावण मेघ लजं ॥१५॥

ਬਰਖੈ ਰਣਿ ਬਾਣ ਕਮਾਣ ਖਗੰ ॥

बरखै रणि बाण कमाण खगं ॥

ਤਹ ਘੋਰ ਭਯਾਨਕ ਜੁਧ ਜਗੰ ॥

तह घोर भयानक जुध जगं ॥

ਗਿਰ ਜਾਤ ਭਟੰ ਹਹਰੰਤ ਹਠੀ ॥

गिर जात भटं हहरंत हठी ॥

ਉਮਗੀ ਰਿਪੁ ਸੈਨ ਕੀਏ ਇਕਠੀ ॥੧੬॥

उमगी रिपु सैन कीए इकठी ॥१६॥

ਚਹੂੰ ਓਰ ਘਿਰਿਯੋ ਸਰ ਸੋਧਿ ਸਿਵੰ ॥

चहूं ओर घिरियो सर सोधि सिवं ॥

ਕਰਿ ਕੋਪ ਘਨੋ ਅਸੁਰਾਰ ਇਵੰ ॥

करि कोप घनो असुरार इवं ॥

ਦੁਹੂੰ ਓਰਨ ਤੇ ਇਮ ਬਾਣ ਬਹੇ ॥

दुहूं ओरन ते इम बाण बहे ॥

ਨਭ ਅਉਰ ਧਰਾ ਦੋਊ ਛਾਇ ਰਹੇ ॥੧੭॥

नभ अउर धरा दोऊ छाइ रहे ॥१७॥

ਗਿਰਗੇ ਤਹ ਟੋਪਨ ਟੂਕ ਘਨੇ ॥

गिरगे तह टोपन टूक घने ॥

ਰਹਗੇ ਜਨੁ ਕਿੰਸਕ ਸ੍ਰੋਣ ਸਨੇ ॥

रहगे जनु किंसक स्रोण सने ॥

ਰਣ ਹੇਰਿ ਅਗੰਮ ਅਨੂਪ ਹਰੰ ॥

रण हेरि अगम अनूप हरं ॥

ਜੀਯ ਮੋ ਇਹ ਭਾਂਤਿ ਬਿਚਾਰ ਕਰੰ ॥੧੮॥

जीय मो इह भांति बिचार करं ॥१८॥

TOP OF PAGE

Dasam Granth