ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 947 ਦੋਹਰਾ ॥ दोहरा ॥ ਦੂਤ ਸਤਕ੍ਰਿਤ ਜੋ ਪਠਿਯੋ; ਸੋ ਦਸਰਥ ਪੈ ਆਇ ॥ दूत सतक्रित जो पठियो; सो दसरथ पै आइ ॥ ਜੋ ਤਾ ਸੋ ਸ੍ਵਾਮੀ ਕਹਿਯੋ; ਸੋ ਤਿਹ ਕਹਿਯੋ ਸੁਨਾਇ ॥੪॥ जो ता सो स्वामी कहियो; सो तिह कहियो सुनाइ ॥४॥ ਚੌਪਈ ॥ चौपई ॥ ਬਾਸਵ ਕਹਿਯੋ ਸੁ ਤਾਹਿ ਸੁਨਾਯੋ ॥ बासव कहियो सु ताहि सुनायो ॥ ਸੋ ਸੁਨਿ ਭੇਦ ਕੇਕਈ ਪਾਯੋ ॥ सो सुनि भेद केकई पायो ॥ ਚਲੇ ਚਲੋ, ਰਹਿ ਹੌ ਤੌ ਰਹਿ ਹੌ ॥ चले चलो, रहि हौ तौ रहि हौ ॥ ਨਾਤਰ ਦੇਹ ਅਗਨਿ ਮੈ ਦਹਿ ਹੌ ॥੫॥ नातर देह अगनि मै दहि हौ ॥५॥ ਤ੍ਰਿਯ ਕੋ ਮੋਹ ਨ੍ਰਿਪਤਿ ਸੌ ਭਾਰੋ ॥ त्रिय को मोह न्रिपति सौ भारो ॥ ਤਿਹ ਸੰਗ ਲੈ ਉਹ ਓਰਿ ਪਧਾਰੋ ॥ तिह संग लै उह ओरि पधारो ॥ ਬਾਲ ਕਹਿਯੋ ਸੇਵਾ ਤਵ ਕਰਿਹੋ ॥ बाल कहियो सेवा तव करिहो ॥ ਜੂਝੋ ਨਾਥ! ਪਾਵਕਹਿ ਬਰਿਹੋ ॥੬॥ जूझो नाथ! पावकहि बरिहो ॥६॥ ਅਵਧ ਰਾਜ ਤਹ ਤੁਰਤ ਸਿਧਾਯੋ ॥ अवध राज तह तुरत सिधायो ॥ ਸੁਰ ਅਸੁਰਨ ਜਹ ਜੁਧ ਮਚਾਯੋ ॥ सुर असुरन जह जुध मचायो ॥ ਬਜ੍ਰ ਬਾਨ ਬਿਛੂਆ ਜਹ ਬਰਖੈ ॥ बज्र बान बिछूआ जह बरखै ॥ ਕੁਪਿ ਕੁਪਿ ਬੀਰ ਧਨੁਹਿਯਨ ਕਰਖੈ ॥੭॥ कुपि कुपि बीर धनुहियन करखै ॥७॥ ਭੁਜੰਗ ਛੰਦ ॥ भुजंग छंद ॥ ਬਧੇ ਗੋਲ ਗਾੜੇ ਚਲਿਯੋ ਬਜ੍ਰਧਾਰੀ ॥ बधे गोल गाड़े चलियो बज्रधारी ॥ ਬਜੈ ਦੇਵ ਦਾਨਵ ਜਹਾ ਹੀ ਹਕਾਰੀ ॥ बजै देव दानव जहा ही हकारी ॥ ਗਜੈ ਕੋਟਿ ਜੋਧਾ ਮਹਾ ਕੋਪ ਕੈ ਕੈ ॥ गजै कोटि जोधा महा कोप कै कै ॥ ਪਰੈ ਆਨਿ ਕੈ ਬਾਢਵਾਰੀਨ ਲੈ ਕੈ ॥੮॥ परै आनि कै बाढवारीन लै कै ॥८॥ ਭਜੇ ਦੇਵ, ਦਾਨੋ ਅਨਿਕ ਬਾਨ ਮਾਰੇ ॥ भजे देव, दानो अनिक बान मारे ॥ ਚਲੇ ਛਾਡਿ ਕੈ ਇੰਦਰ ਕੇ ਬੀਰ ਭਾਰੇ ॥ चले छाडि कै इंदर के बीर भारे ॥ ਰਹਿਯੋ ਏਕ ਠਾਂਢੋ ਤਹਾ ਬਜ੍ਰਧਾਰੀ ॥ रहियो एक ठांढो तहा बज्रधारी ॥ ਪਰਿਯੋ ਤਾਹਿ ਸੋ ਰਾਵ ਤਹਿ ਮਾਰ ਭਾਰੀ ॥੯॥ परियो ताहि सो राव तहि मार भारी ॥९॥ ਇਤੈ ਇੰਦ੍ਰ ਰਾਜਾ ਉਤੈ ਦੈਤ ਭਾਰੇ ॥ इतै इंद्र राजा उतै दैत भारे ॥ ਹਟੇ ਨ ਹਠੀਲੇ ਮਹਾ ਰੋਹ ਵਾਰੇ ॥ हटे न हठीले महा रोह वारे ॥ ਲਯੋ ਘੇਰਿ ਤਾ ਕੋ ਚਹੂੰ ਓਰ ਐਸੇ ॥ लयो घेरि ता को चहूं ओर ऐसे ॥ ਮਨੋ ਪਵਨ ਉਠੈ ਘਟਾ ਘੋਰ ਜੈਸੇ ॥੧੦॥ मनो पवन उठै घटा घोर जैसे ॥१०॥ ਪਰੀ ਦੇਵ ਦਾਵਾਨ ਕੀ ਮਾਰਿ ਭਾਰੀ ॥ परी देव दावान की मारि भारी ॥ ਹਠਿਯੋ ਏਕ ਹਾਠੇ ਤਹਾ ਛਤ੍ਰਧਾਰੀ ॥ हठियो एक हाठे तहा छत्रधारी ॥ ਅਜ੍ਯਾਨੰਦ ਜੂ ਕੌ ਸਤੇ ਲੋਕ ਜਾਨੈ ॥ अज्यानंद जू कौ सते लोक जानै ॥ ਪਰੇ ਆਨਿ ਸੋਊ ਮਹਾ ਰੋਸ ਠਾਨੈ ॥੧੧॥ परे आनि सोऊ महा रोस ठानै ॥११॥ ਮਹਾ ਕੋਪ ਕੈ ਕੈ ਹਠੀ ਦੈਤ ਢੂਕੇ ॥ महा कोप कै कै हठी दैत ढूके ॥ ਫਿਰੇ ਆਨਿ ਚਾਰੋ ਦਿਸਾ ਰਾਵ ਜੂ ਕੇ ॥ फिरे आनि चारो दिसा राव जू के ॥ ਮਹਾ ਬਜ੍ਰ ਬਾਨਾਨ ਕੈ ਘਾਇ ਮਾਰੈ ॥ महा बज्र बानान कै घाइ मारै ॥ ਬਲੀ ਮਾਰ ਹੀ ਮਾਰਿ ਐਸੇ ਪੁਕਾਰੈ ॥੧੨॥ बली मार ही मारि ऐसे पुकारै ॥१२॥ ਹਟੇ ਨ ਹਠੀਲੇ ਹਠੇ ਐਠਿਯਾਰੇ ॥ हटे न हठीले हठे ऐठियारे ॥ ਮੰਡੇ ਕੋਪ ਕੈ ਕੈ ਮਹਾਬੀਰ ਮਾਰੇ ॥ मंडे कोप कै कै महाबीर मारे ॥ ਚਹੁੰ ਓਰ ਬਾਦਿਤ੍ਰ ਆਨੇਕ ਬਾਜੈ ॥ चहुं ओर बादित्र आनेक बाजै ॥ ਉਠਿਯੋ ਰਾਗ ਮਾਰੂ ਮਹਾ ਸੂਰ ਗਾਜੈ ॥੧੩॥ उठियो राग मारू महा सूर गाजै ॥१३॥ ਕਿਤੇ ਹਾਕ ਮਾਰੇ ਕਿਤੇ ਬਾਕ ਦਾਬੇ ॥ किते हाक मारे किते बाक दाबे ॥ ਕਿਤੇ ਢਾਲ ਢਾਹੇ ਕਿਤੇ ਦਾੜ ਚਾਬੇ ॥ किते ढाल ढाहे किते दाड़ चाबे ॥ ਕਿਤੇ ਬਾਕ ਸੌ ਹਲ ਹਲੇ ਬੀਰ ਭਾਰੀ ॥ किते बाक सौ हल हले बीर भारी ॥ ਕਿਤੇ ਜੂਝਿ ਜੋਧਾ ਗਏ ਛਤ੍ਰਧਾਰੀ ॥੧੪॥ किते जूझि जोधा गए छत्रधारी ॥१४॥ ਦੋਹਰਾ ॥ दोहरा ॥ ਅਸੁਰਨ ਕੀ ਸੈਨਾ ਹੁਤੇ; ਅਸੁਰ ਨਿਕਸਿਯੋ ਏਕ ॥ असुरन की सैना हुते; असुर निकसियो एक ॥ ਸੂਤ ਸੰਘਾਰਿ ਅਜ ਨੰਦ ਕੌ; ਮਾਰੇ ਬਿਸਿਖ ਅਨੇਕ ॥੧੫॥ सूत संघारि अज नंद कौ; मारे बिसिख अनेक ॥१५॥ ਚੌਪਈ ॥ चौपई ॥ ਭਰਥ ਮਾਤ ਐਸੇ ਸੁਨਿ ਪਾਯੋ ॥ भरथ मात ऐसे सुनि पायो ॥ ਕਾਮ ਸੂਤਿ ਅਜਿ ਸੁਤ ਕੌ ਆਯੋ ॥ काम सूति अजि सुत कौ आयो ॥ ਆਪਨ ਭੇਖ ਸੁਭਟ ਕੋ ਧਰਿਯੋ ॥ आपन भेख सुभट को धरियो ॥ ਜਾਇ ਸੂਤਪਨ ਨ੍ਰਿਪ ਕੋ ਕਰਿਯੋ ॥੧੬॥ जाइ सूतपन न्रिप को करियो ॥१६॥ ਸ੍ਯੰਦਨ ਐਸੀ ਭਾਂਤਿ ਧਵਾਵੈ ॥ स्यंदन ऐसी भांति धवावै ॥ ਨ੍ਰਿਪ ਕੋ ਬਾਨ ਨ ਲਾਗਨ ਪਾਵੈ ॥ न्रिप को बान न लागन पावै ॥ ਜਾਯੋ ਚਾਹਤ ਅਜਿ ਸੁਤ ਜਹਾ ॥ जायो चाहत अजि सुत जहा ॥ ਲੈ ਅਬਲਾ ਪਹੁਚਾਵੈ ਤਹਾ ॥੧੭॥ लै अबला पहुचावै तहा ॥१७॥ |
|
|
|
|
Dasam Granth |