ਦਸਮ ਗਰੰਥ । दसम ग्रंथ ।

Page 628

ਅਥ ਬ੍ਰਹਮਾਵਤਾਰ ਕਾਲਿਦਾਸ ਕਥਨੰ ॥

अथ ब्रहमावतार कालिदास कथनं ॥

ਤੋਮਰ ਛੰਦ ॥

तोमर छंद ॥

ਇਹ ਬ੍ਰਹਮ ਬੇਦ ਨਿਧਾਨ ॥

इह ब्रहम बेद निधान ॥

ਦਸ ਅਸਟ ਸਾਸਤ੍ਰ ਪ੍ਰਮਾਨ ॥

दस असट सासत्र प्रमान ॥

ਕਲਿ ਜੁਗਿਯ ਲਾਗ ਨਿਹਾਰਿ ॥

कलि जुगिय लाग निहारि ॥

ਭਏ ਕਾਲਿਦਾਸ ਅਬਿਚਾਰ ॥੧॥

भए कालिदास अबिचार ॥१॥

ਲਖਿ ਰੀਝ ਬਿਕ੍ਰਮਜੀਤ ॥

लखि रीझ बिक्रमजीत ॥

ਅਤਿ ਗਰਬਵੰਤ ਅਜੀਤ ॥

अति गरबवंत अजीत ॥

ਅਤਿ ਗਿਆਨ ਮਾਨ ਗੁਨੈਨ ॥

अति गिआन मान गुनैन ॥

ਸੁਭ ਕ੍ਰਾਂਤਿ ਸੁੰਦਰ ਨੈਨ ॥੨॥

सुभ क्रांति सुंदर नैन ॥२॥

ਰਘੁ ਕਾਬਿ ਕੀਨ ਸੁਧਾਰਿ ॥

रघु काबि कीन सुधारि ॥

ਕਰਿ ਕਾਲਿਦਾਸ ਵਤਾਰ ॥

करि कालिदास वतार ॥

ਕਹ ਲੌ ਬਖਾਨੋ ਤਉਨ? ॥

कह लौ बखानो तउन? ॥

ਜੋ ਕਾਬਿ ਕੀਨੋ ਜਉਨ ॥੩॥

जो काबि कीनो जउन ॥३॥

ਧਰਿ ਸਪਤ ਬ੍ਰਹਮ ਵਤਾਰ ॥

धरि सपत ब्रहम वतार ॥

ਤਬ ਭਇਓ ਤਾਸੁ ਉਧਾਰ ॥

तब भइओ तासु उधार ॥

ਤਬ ਧਰਾ ਬ੍ਰਹਮ ਸਰੂਪ ॥

तब धरा ब्रहम सरूप ॥

ਮੁਖਚਾਰ ਰੂਪ ਅਨੂਪ ॥੪॥

मुखचार रूप अनूप ॥४॥

ਇਤਿ ਸ੍ਰੀ ਬਚਿਤ੍ਰ ਨਾਟਕ ਗ੍ਰੰਥੇ ਸਪਤਮੋ ਅਵਤਾਰ ਬ੍ਰਹਮਾ ਕਾਲਿਦਾਸ ਸਮਾਪਤਮ ॥੭॥

इति स्री बचित्र नाटक ग्रंथे सपतमो अवतार ब्रहमा कालिदास समापतम ॥७॥


ਰੁਦ੍ਰ ਅਵਤਾਰ ॥

रुद्र अवतार ॥

ੴ ਸਤਿਗੁਰ ਪ੍ਰਸਾਦਿ ॥

ੴ सतिगुर प्रसादि ॥

ਸ੍ਰੀ ਭਗਉਤੀ ਜੀ ਸਹਾਇ ॥

स्री भगउती जी सहाइ ॥


ਅਥ ਰੁਦ੍ਰ ਅਵਤਾਰ ਕਥਨੰ ॥

अथ रुद्र अवतार कथनं ॥

ਤੋਮਰ ਛੰਦ ॥

तोमर छंद ॥

ਅਬ ਕਹੋ ਤਉਨ ਸੁਧਾਰਿ ॥

अब कहो तउन सुधारि ॥

ਜੇ ਧਰੇ ਰੁਦ੍ਰ ਅਵਤਾਰ ॥

जे धरे रुद्र अवतार ॥

ਅਤਿ ਜੋਗ ਸਾਧਨ ਕੀਨ ॥

अति जोग साधन कीन ॥

ਤਬ ਗਰਬ ਕੇ ਰਸਿ ਭੀਨ ॥੧॥

तब गरब के रसि भीन ॥१॥

ਸਰਿ ਆਪ ਜਾਨ ਨ ਅਉਰ ॥

सरि आप जान न अउर ॥

ਸਬ ਦੇਸ ਮੋ ਸਬ ਠੌਰ ॥

सब देस मो सब ठौर ॥

ਤਬ ਕੋਪਿ ਕੈ ਇਮ ਕਾਲ ॥

तब कोपि कै इम काल ॥

ਇਮ ਭਾਖਿ ਬੈਣ ਉਤਾਲ ॥੨॥

इम भाखि बैण उताल ॥२॥

ਜੇ ਗਰਬ ਲੋਕ ਕਰੰਤ ॥

जे गरब लोक करंत ॥

ਤੇ ਜਾਨ ਕੂਪ ਪਰੰਤ ॥

ते जान कूप परंत ॥

ਮੁਰ ਨਾਮ ਗਰਬ ਪ੍ਰਹਾਰ ॥

मुर नाम गरब प्रहार ॥

ਸੁਨ ਲੇਹੁ ਰੁਦ੍ਰ ਬਿਚਾਰ ॥੩॥

सुन लेहु रुद्र बिचार ॥३॥

ਕੀਅ ਗਰਬ ਕੋ ਮੁਖ ਚਾਰ ॥

कीअ गरब को मुख चार ॥

ਕਛੁ ਚਿਤ ਮੋ ਅਬਿਚਾਰਿ ॥

कछु चित मो अबिचारि ॥

ਜਬ ਧਰੇ ਤਿਨ ਤਨ ਸਾਤ ॥

जब धरे तिन तन सात ॥

ਤਬ ਬਨੀ ਤਾ ਕੀ ਬਾਤ ॥੪॥

तब बनी ता की बात ॥४॥

ਤਿਮ ਜਨਮੁ ਧਰੁ ਤੈ ਜਾਇ ॥

तिम जनमु धरु तै जाइ ॥

ਚਿਤ ਦੇ ਸੁਨੋ ਮੁਨਿ ਰਾਇ ॥

चित दे सुनो मुनि राइ ॥

ਨਹੀ ਐਸ ਹੋਇ ਉਧਾਰ ॥

नही ऐस होइ उधार ॥

ਸੁਨ ਲੇਹੁ ਰੁਦ੍ਰ ਬਿਚਾਰ ॥੫॥

सुन लेहु रुद्र बिचार ॥५॥

ਸੁਨਿ ਸ੍ਰਵਨ ਏ ਸਿਵ ਬੈਨ ॥

सुनि स्रवन ए सिव बैन ॥

ਹਠ ਛਾਡਿ ਸੁੰਦਰ ਨੈਨ ॥

हठ छाडि सुंदर नैन ॥

ਤਿਹ ਜਾਨਿ ਗਰਬ ਪ੍ਰਹਾਰ ॥

तिह जानि गरब प्रहार ॥

ਛਿਤਿ ਲੀਨ ਆਨਿ ਵਤਾਰ ॥੬॥

छिति लीन आनि वतार ॥६॥

ਪਾਧਰੀ ਛੰਦ ॥

पाधरी छंद ॥

ਜਿਮ ਕਥੇ ਸਰਬ ਰਾਜਾਨ ਰਾਜ ॥

जिम कथे सरब राजान राज ॥

ਤਿਮ ਕਹੇ ਰਿਖਿਨ ਸਬ ਹੀ ਸਮਾਜ ॥

तिम कहे रिखिन सब ही समाज ॥

ਜਿਹ ਜਿਹ ਪ੍ਰਕਾਰ ਤਿਹ ਕਰਮ ਕੀਨ ॥

जिह जिह प्रकार तिह करम कीन ॥

ਜਿਹ ਭਾਂਤਿ ਜੇਮਿ ਦਿਜ ਬਰਨ ਲੀਨ ॥੭॥

जिह भांति जेमि दिज बरन लीन ॥७॥

ਜੇ ਜੇ ਚਰਿਤ੍ਰ ਕਿਨੇ ਪ੍ਰਕਾਸ ॥

जे जे चरित्र किने प्रकास ॥

ਤੇ ਤੇ ਚਰਿਤ੍ਰ ਭਾਖੋ ਸੁ ਬਾਸ ॥

ते ते चरित्र भाखो सु बास ॥

ਰਿਖਿ ਪੁਤ੍ਰ ਏਸ ਭਏ ਰੁਦ੍ਰ ਦੇਵ ॥

रिखि पुत्र एस भए रुद्र देव ॥

ਮੋਨੀ ਮਹਾਨ ਮਾਨੀ ਅਭੇਵ ॥੮॥

मोनी महान मानी अभेव ॥८॥

ਪੁਨਿ ਭਏ ਅਤ੍ਰਿ ਰਿਖਿ ਮੁਨਿ ਮਹਾਨ ॥

पुनि भए अत्रि रिखि मुनि महान ॥

ਦਸ ਚਾਰ ਚਾਰ ਬਿਦਿਆ ਨਿਧਾਨ ॥

दस चार चार बिदिआ निधान ॥

ਲਿਨੇ ਸੁ ਜੋਗ ਤਜਿ ਰਾਜ ਆਨਿ ॥

लिने सु जोग तजि राज आनि ॥

ਸੇਵਿਆ ਰੁਦ੍ਰ ਸੰਪਤਿ ਨਿਧਾਨ ॥੯॥

सेविआ रुद्र स्मपति निधान ॥९॥

TOP OF PAGE

Dasam Granth