ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 480 ਸਵੈਯਾ ॥ सवैया ॥ ਡੇਰੋ ਪਰੈ ਤਿਨ ਕੋ ਜੁ ਜਹਾ; ਲਘੁ ਘੋਰਨ ਕੀ ਨਦੀਆ ਉਠਿ ਧਾਵੈ ॥ डेरो परै तिन को जु जहा; लघु घोरन की नदीआ उठि धावै ॥ ਤੇਜ ਚਲੈ ਹਹਰਾਟ ਕੀਏ; ਅਤਿ ਹੀ ਚਿਤ ਸਤ੍ਰਨ ਕੇ ਡਰ ਪਾਵੈ ॥ तेज चलै हहराट कीए; अति ही चित सत्रन के डर पावै ॥ ਪਾਰਸੀ ਬੋਲ ਮਲੇਛ ਕਹੈ; ਰਨ ਤੇ ਟਰਿ ਕੈ ਪਗੁ ਏਕ ਨ ਆਵੈ ॥ पारसी बोल मलेछ कहै; रन ते टरि कै पगु एक न आवै ॥ ਸ੍ਯਾਮ ਜੂ ਕੋ ਟੁਕ ਹੇਰਿ ਕਹੈ; ਸਰ ਏਕ ਹੀ ਸੋ ਜਮਲੋਕਿ ਪਠਾਵੈ ॥੧੯੦੬॥ स्याम जू को टुक हेरि कहै; सर एक ही सो जमलोकि पठावै ॥१९०६॥ ਅਗਨੇ ਇਤ ਕੋਪਿ ਮਲੇਛ ਚੜੇ; ਉਤ ਸੰਧ ਜਰਾ ਬਹੁ ਲੈ ਦਲੁ ਆਯੋ ॥ अगने इत कोपि मलेछ चड़े; उत संध जरा बहु लै दलु आयो ॥ ਪਤ੍ਰ ਸਕੈ ਬਨ ਕੈ ਗਨ ਕੈ ਕੋਊ; ਜਾਤਿ ਨ ਕੋ ਕਛੁ ਪਾਰ ਨ ਪਾਯੋ ॥ पत्र सकै बन कै गन कै कोऊ; जाति न को कछु पार न पायो ॥ ਬ੍ਰਿਜ ਨਾਇਕ ਬਾਰੁਨੀ ਪੀਤੋ ਹੁਤੋ; ਤਹ ਹੀ ਤਿਨਿ ਦੂਤ ਨੈ ਜਾਇ ਸੁਨਾਯੋ ॥ ब्रिज नाइक बारुनी पीतो हुतो; तह ही तिनि दूत नै जाइ सुनायो ॥ ਅਉਰ ਜੋ ਹ੍ਵੈ ਡਰਿ ਪ੍ਰਾਨ ਤਜੈ; ਇਤ ਸ੍ਰੀ ਜਦੁਬੀਰ ਮਹਾ ਸੁਖੁ ਪਾਯੋ ॥੧੯੦੭॥ अउर जो ह्वै डरि प्रान तजै; इत स्री जदुबीर महा सुखु पायो ॥१९०७॥ ਇਤ ਕੋਪਿ ਮਲੇਛ ਚੜੇ ਅਗਨੇ; ਉਤ ਆਇਯੋ ਲੈ ਸੰਧ ਜਰਾ ਦਲੁ ਭਾਰੋ ॥ इत कोपि मलेछ चड़े अगने; उत आइयो लै संध जरा दलु भारो ॥ ਆਵਤ ਹੈ ਗਜ ਰਾਜ ਬਨੇ; ਮਨੋ ਆਵਤ ਹੈ ਉਮਡਿਯੋ ਘਨ ਕਾਰੋ ॥ आवत है गज राज बने; मनो आवत है उमडियो घन कारो ॥ ਸ੍ਯਾਮ ਹਲੀ ਮਥੁਰਾ ਹੀ ਕੇ ਭੀਤਰ; ਘੇਰ ਲਏ ਜਸੁ ਸ੍ਯਾਮ ਉਚਾਰੋ ॥ स्याम हली मथुरा ही के भीतर; घेर लए जसु स्याम उचारो ॥ ਸੇਰ ਬਡੇ ਦੋਊ ਘੇਰਿ ਲਏ; ਕਹੁ ਬੀਰਨ ਕੋ ਮਨੋ ਕੈ ਕਰਿ ਬਾਰੋ ॥੧੯੦੮॥ सेर बडे दोऊ घेरि लए; कहु बीरन को मनो कै करि बारो ॥१९०८॥ ਕਾਨ੍ਹ ਹਲੀ ਸਭ ਸਸਤ੍ਰ ਸੰਭਾਰ ਕੈ; ਕ੍ਰੋਧ ਘਨੋ ਚਿਤ ਬੀਚ ਬਿਚਾਰਿਯੋ ॥ कान्ह हली सभ ससत्र स्मभार कै; क्रोध घनो चित बीच बिचारियो ॥ ਸੈਨ ਮਲੇਛਨ ਕੋ ਜਹ ਥੋ; ਤਿਹ ਓਰ ਹੀ ਸ੍ਯਾਮ ਭਨੈ ਪਗ ਧਾਰਿਯੋ ॥ सैन मलेछन को जह थो; तिह ओर ही स्याम भनै पग धारियो ॥ ਪ੍ਰਾਨ ਕੀਏ ਬਿਨੁ ਬੀਰ ਘਨੇ; ਘਨ ਘਾਇਲ ਕੈ ਘਨ ਸੂਰਨ ਡਾਰਿਯੋ ॥ प्रान कीए बिनु बीर घने; घन घाइल कै घन सूरन डारियो ॥ ਨੈਕੁ ਸੰਭਾਰ ਰਹੀ ਨ ਤਿਨੈ; ਇਹੁ ਭਾਂਤਿ ਸੋ ਸ੍ਯਾਮ ਜੂ ਯੌ ਦਲੁ ਮਾਰਿਯੋ ॥੧੯੦੯॥ नैकु स्मभार रही न तिनै; इहु भांति सो स्याम जू यौ दलु मारियो ॥१९०९॥ ਏਕ ਪਰੋ ਭਟ ਘਾਇਲ ਹੁਇ ਧਰਿ; ਏਕ ਪਰੇ ਬਿਨੁ ਪ੍ਰਾਨ ਹੀ ਮਾਰੇ ॥ एक परो भट घाइल हुइ धरि; एक परे बिनु प्रान ही मारे ॥ ਪਾਇ ਪਰੇ ਤਿਨ ਕੇ ਸੁ ਕਟੇ ਕਹੂੰ; ਹਾਥ ਪਰੇ ਤਿਨ ਕੇ ਕਹੂੰ ਡਾਰੇ ॥ पाइ परे तिन के सु कटे कहूं; हाथ परे तिन के कहूं डारे ॥ ਏਕ ਸੁ ਸੰਕਤ ਹੁਇ ਭਟਵਾ ਤਜਿ; ਤਉਨ ਸਮੇ ਰਨ ਭੂਮਿ ਸਿਧਾਰੇ ॥ एक सु संकत हुइ भटवा तजि; तउन समे रन भूमि सिधारे ॥ ਐਸੋ ਸੁ ਜੀਤ ਭਈ ਪ੍ਰਭ ਕੀ; ਜੁ ਮਲੇਛ ਹੁਤੇ ਸਭ ਯਾ ਬਿਧਿ ਹਾਰੇ ॥੧੯੧੦॥ ऐसो सु जीत भई प्रभ की; जु मलेछ हुते सभ या बिधि हारे ॥१९१०॥ ਵਾਹਿਦ ਖਾਂ ਫਰਜੁਲਹਿ ਖਾਂ; ਬਰਬੀਰ ਨਿਜਾਬਤ ਖਾਂ ਹਰਿ ਮਾਰਿਯੋ ॥ वाहिद खां फरजुलहि खां; बरबीर निजाबत खां हरि मारियो ॥ ਜਾਹਿਦ ਖਾਂ ਲੁਤਫੁਲਹ ਖਾਂ; ਇਨਹੂੰ ਕਰਿ ਖੰਡਨ ਖੰਡਹਿ ਡਾਰਿਯੋ ॥ जाहिद खां लुतफुलह खां; इनहूं करि खंडन खंडहि डारियो ॥ ਹਿੰਮਤ ਖਾਂ ਪੁਨਿ ਜਾਫਰ ਖਾਂ; ਇਨ ਹੂੰ ਮੁਸਲੀ ਜੂ ਗਦਾ ਸੋ ਪ੍ਰਹਾਰਿਯੋ ॥ हिमत खां पुनि जाफर खां; इन हूं मुसली जू गदा सो प्रहारियो ॥ ਐਸੇ ਸੁ ਜੀਤ ਭਈ ਪ੍ਰਭ ਕੀ; ਸਭ ਸੈਨ ਮਲੇਛਨ ਕੋ ਇਮ ਹਾਰਿਯੋ ॥੧੯੧੧॥ ऐसे सु जीत भई प्रभ की; सभ सैन मलेछन को इम हारियो ॥१९११॥ ਏ ਉਮਰਾਵ ਹਨੇ ਜਦੁਨੰਦਨ; ਅਉਰ ਘਨੋ ਰਿਸਿ ਸੋ ਦਲੁ ਘਾਯੋ ॥ ए उमराव हने जदुनंदन; अउर घनो रिसि सो दलु घायो ॥ ਜੋ ਇਨ ਊਪਰ ਆਵਤ ਭਯੋ; ਗ੍ਰਿਹ ਕੋ ਸੋਈ ਜੀਵਤ ਜਾਨ ਨ ਪਾਯੋ ॥ जो इन ऊपर आवत भयो; ग्रिह को सोई जीवत जान न पायो ॥ ਜੈਸੇ ਮਧਿਆਨ ਕੋ ਸੂਰ ਦਿਪੈ; ਇਹ ਭਾਂਤਿ ਕੋ ਕ੍ਰੁਧ ਕੈ ਤੇਜ ਬਢਾਯੋ ॥ जैसे मधिआन को सूर दिपै; इह भांति को क्रुध कै तेज बढायो ॥ ਭਾਜਿ ਮਲੇਛਨ ਕੇ ਗਨ ਗੇ; ਜਦੁਬੀਰ ਕੇ ਸਾਮੁਹੇ ਏਕ ਨ ਆਯੋ ॥੧੯੧੨॥ भाजि मलेछन के गन गे; जदुबीर के सामुहे एक न आयो ॥१९१२॥ |
|
|
|
|
Dasam Granth |